-rat२९p३४.jpg-
P२४N१४९४०
साखरपा : पुरस्कार स्वीकारताना दूध संघाचे पदाधिकारी.
--------------
कोंडगाव साखरपा दूध संस्थेला पुरस्कार
सकाळ वृत्तसेवा
साखरपा, ता. ३०: येथील कोंडगाव साखरपा व्यावसायिक दूध संस्थेला वारणा सहकारी दूध उत्पादक प्रक्रिया संघाकडून पुरस्कार प्रदान करण्यात आला आहे. सलग दुसऱ्या वर्षी हा पुरस्कार संघाला देण्यात आला आहे.
साखरपा पंचक्रोशीतून सर्वाधिक दूध संकलन केल्याबद्दल हा पुरस्कार देण्यात आला आहे. ११ हजार रुपये, सन्मानचिन्ह आणि सन्मानपत्र देऊन अध्यक्ष अजय सावंत यांचा गौरव करण्यात आला. कोंडगाव साखरपा दूध संघाकडून पन्नास टक्के अनुदानावर म्हशी खरेदी, संकलित दुधावर वाढीव कमिशन, दिवाळीला बोनस असे उपक्रम राबवले जातात. याचे कौतुक वारणाचे अध्यक्ष विनय कोरे यांनी केले आहे. या वेळी अध्यक्ष अजय सावंत, उपाध्यक्ष मनोहर शिंदे, सचिव आत्माराम बाईंग, संचालक मनोहर पावसकर, अप्पा पाटोळे आदी उपस्थित होते.
-------