15064

विभागीय फुटबॉल स्पर्धेमध्ये
सिंधुदुर्ग सैनिक स्कूलचे यश

आंबोली, ता. ३० ः क्रीडा व युवक सेवा संचालनालय, महाराष्ट्र राज्य, पुणे आणि क्रीडा उपसंचलनालय, कोल्हापूर विभागातर्फे आयोजित विभागीय शालेय फुटबॉल स्पर्धेत विभागस्तरावर सिंधुदुर्ग सैनिक स्कूल ॲड. ज्युनियर कॉलेज संघाने तृतीय क्रमांक पटकवत देदीप्यमान यश प्राप्त केले.
डेरवण क्रीडा संकुल, चिपळूण येथे २७ सप्टेंबरला आयोजित विभागस्तरावरील शालेय फुटबॉल स्पर्धेत १७ वर्षांखालील वयोगटात सातारा जिल्ह्यातील सैनिक स्कूल सातारा विरुद्ध १-० गोल नोंदवत प्रथम सामना जिंकला. सेमी फायनल फेरीत सैनिक स्कूल संघाचा सामना कोल्हापूर संघाविरुद्ध झाला. तृतीय क्रमांकासाठी सांगली संघाविरुद्ध ३-० गोल नोंदवत विजय मिळविला. सिंधुदुर्ग जिल्ह्याचे प्रतिनिधित्व करताना सिंधुदुर्ग सैनिक स्कूल संघाने विभागस्तरावरील बलाढ्य संघांविरुद्ध चमकदार कामगिरी करत तृतीय क्रमांक पटकावला. उत्कृष्ट खेळ करणाऱ्या दोन खेळाडूंची निवड राज्यस्तरीय संघात होणार आहे. विजेता संघ व क्रीडाशिक्षक मनोज देसाई, सतीश आईर यांचे संस्थाध्यक्ष सुनील राऊळ. संचालक जॉय डान्टस, कार्यालयीन सचिव दीपक राऊळ, प्राचार्य एन. डी. गावडे, सर्व संचालकांनी अभिनंदन केले.