16243

ओटवणे-चराठा रस्त्याची
ग्रामस्थांनी केली डागडुजी

सकाळ वृत्तसेवा
ओटवणे, ता. ४ः चराठा-ओटवणे मुख्य मार्गादरम्यान धोकादायक वळणावरील रस्त्यावर पाण्याच्या प्रवाहाबरोबर माती आल्यामुळे हे वळण वाहतुकीस धोकादायक बनले होते. सार्वजनिक बांधकाम खात्याने याकडे दुर्लक्ष केल्याने अखेर ओटवणे मांडवफातरवाडी येथील ग्रामस्थांनी पुढाकार घेत या वळणावरील माती काढून रस्ता वाहतूक सुरळीत केला. या वळणावरील रस्त्यावर पाण्याच्या प्रवाहाबरोबर माती आल्यामुळे दुचाकी घसरून अनेक अपघात झाले. सार्वजनिक बांधकामाचे अनेक वेळा लक्ष वेधूनही याकडे दुर्लक्ष करण्यात आले. अखेर मांडवफातरवाडी ग्रामस्थांनी पुढाकार घेऊन रस्त्यावर आलेली ही माती दूर केली. या श्रमदानात प्रकाश पनासे, मिलिंद म्हापसेकर, अनिल रेडकर, अवधूत भगत, समीर गोडकर, उमेश परब, विजय पनासे, सुभाष राणे, गजानन तावडे, दिलीप वारंग, दिलीप वारंग यांनी सहभाग घेतला.