16462
असलदेतील दिविजा आश्रमात अन्नदान
तळेरे ः असलदे येथील दिविजा वृद्धाश्रमात दरवर्षीप्रमाणे सर्वपित्री अमावस्येनिमित्त अन्नदानाचा कार्यक्रम आयोजित करण्यात आला. या कार्यक्रमात आश्रमातील दिवंगत आजी-आजोबांचा पिंडदान करून त्यांचे स्मरण करण्यात आले. आश्रमाचे सेक्रेटरी संदेश शेट्ये यांच्या संकल्पनेतून आणि कर्मचाऱ्याच्या हा उपक्रम घेण्यात आला. पितृ पंधरवड्यानिमित्त आपल्या वृद्ध मृत मित्र-मैत्रिणींची आठवण काढताना आजी-आजोबांचे डोळे पाणावले होते. पितृ पंधरवड्यानिमित्त या आजी-आजोबांना अन्नदान करण्याचे आवाहन केले होते. या आवाहनाला चांगला प्रतिसाद मिळाला. त्याबद्दल आश्रमातर्फे शेट्ये यांनी आभार मानले. यावेळी वारगाव विकास मंडळाचे अध्यक्ष व सामाजिक कार्यकर्ते विजय केसरकर यांची प्रमुख उपस्थिती होती. आजी-आजोबांची सर्व व्यवस्था पाहून केसरकरांनी समाधान व्यक्त केले.