16546

नाईकांकडून आजारग्रस्तास मदत
मालवण : नांदोस (ता.मालवण) येथील कर्करोगावर शस्त्रक्रिया झालेल्या रावजी चव्हाण यांना औषधोपचारासाठी आमदार वैभव नाईक यांनी आर्थिक मदतीचा हात दिला. रावजी चव्हाण यांच्यावर काही दिवसांपूर्वीच शस्त्रक्रिया झाली होती. आमदार नाईक यांना याची माहिती मिळताच चव्हाण कुटुंबीयांशी संपर्क साधत त्यांना आर्थिक मदतीचा हात दिला. यावेळी चव्हाण कुटुंबीयांनी आमदार नाईक यांचे आभार मानले. नांदोसचे माजी सरपंच अशोक नांदोसकर यांनीही चव्हाण यांना आर्थिक मदत दिली. यावेळी अशोक नांदोसकर, प्रभाग अध्यक्ष विजय गावडे, माजी सदस्य दिलीप हंजनकर, ॲड. हृदयनाथ चव्हाण, शंकर चव्हाण, विजया नांदोसकर आदी उपस्थित होते.