खेळ पैठणीचा स्पर्धेत पुजारे विजेत्या
आचरा ः इनामदार श्री देव रामेश्वर संस्थान कसबा आचरे गणेशोत्सवानिमित्त माजी खासदार नीलेश राणे पुरस्कृत खेळ पैठणीचा स्पर्धेत सरिता पुजारे पैठणीच्या मानकरी ठरल्या. उपविजेत्या श्रेया मेस्त्री यांना सोन्याची नथ देऊन गौरविण्यात आले. स्पर्धेत एकूण साठ स्पर्धकांनी भाग घेतला होता. स्पर्धेचे उद्घाटन अभिनेत्री अक्षता कांबळी यांच्या हस्ते करण्यात आले. यावेळी उपस्थित महिलांना मार्गदर्शन करताना स्त्रीयांवरील वाढत्या अत्याचाराला आळा घालण्यासाठी मुलींना मोबाईलमध्ये न गुंतवता स्वसंरक्षणाचे धडे देऊन आत्मनिर्भर बनविण्याचे आवाहन केले. यावेळी देवस्थान सचिव संतोष मिराशी, देवस्थान समिती सदस्य मंगेश मेस्त्री, विजय कदम, जयप्रकाश परुळेकर, अर्जुन बापर्डेकर, मंदार सांबारी, महादेव मिराशी, सामाजिक कार्यकर्त्य रश्मी दाभोळकर, दत्ता वराडकर, परेश सावंत, तेजस्विता केळुस्कर, राजू घाडी, योगेश बागवे यांसह अन्य मान्यवर उपस्थित होते. स्पर्धेचे सूत्रसंचलन नागेश नेमळेकर यांनी केले.