‘सैनिकांच्या मुलांसाठी
अभ्यासक्रमात बदल’
सावंतवाडी ः मालवण-राजकोट येथे पहिल्या पुतळ्यापेक्षा दुप्पट उंचीचा छत्रपती शिवाजी महाराजांचा नव्याने पुतळा लवकरच उभारण्यात येणार आहे. याची जबाबदारी जागतिक शिल्पकार सुतार यांना देण्यात आली आहे. परिसरात शंभर कोटी खर्च करून शिवसृष्टी उभारण्यात येणार आहे, अशी माहिती वेर्ले येथे शालेय शिक्षणमंत्री दीपक केसरकर यांनी दिली. सैनिकांच्या मुलांना सैन्यात भरती होणे शक्य व्हावे, यासाठी अभ्यासक्रमात बदल करण्यात आला असून, त्या माध्यमातून थेट एनडीएमध्ये प्रवेश देण्यात येणार आहे. लवकरच या शैक्षणिक धोरणाची अंमलबजावणी करण्यात येणार आहे, असे ते म्हणाले. केसरकर यांनी वेर्ले येथे माजी सैनिकांची भेट घेतली. माजी सैनिकांशी चर्चा करताना त्यांनी ही माहिती दिली. माजी उपनगराध्यक्ष राजन पोकळे, शिवसेना महिला जिल्हा संघटक अ‍ॅड. नीता सावंत-कविटकर, मोहन राऊळ, गोविंद लिंगवत, सदाशिव राऊळ, उल्हास कदम, बाळकृष्ण राऊळ, हनुमंत राणे, चंद्रकांत राणे, सदाशिव कदम, आपा राऊळ, सदा कदम व माजी सैनिक उपस्थित होते.