कुणबी समाजभवनाचे
दापोलीत आज भूमिपूजन
दापोली, ता. ९ ः शहरामध्ये कुणबी समाजभवन व्हावे, अशी कुणबी समाजाची इच्छा होती. हे स्वप्न आमदार योगेश कदम यांच्या पुढाकाराने पूर्णत्वास जात आहे. गुरुवारी (ता. १०) दुपारी ३ वा. पालकमंत्री उदय सामंत, शिवसेना नेते रामदास कदम यांच्या उपस्थितीत कुणबी समाजभवनाचे भूमिपूजन केले जाणार आहे.
कुणबी समाजाची मातृसंस्था असलेल्या कुणबी समाजोन्‍नती संघ मुंबई शाखा तालुका दापोली संलग्न कुणबी युवक मंडळाच्या वतीने या कार्यक्रमाचे आयोजन करण्यात आले आहे. आमदार योगेश कदम यांनी स्वखर्चाने कुणबी समाजाच्या भवनाला लागणारी ७.५ गुंठे जागा उपलब्ध करून दिली आहे. कार्यक्रमाला उपस्थित राहावे, असे आवाहन मुंबई कार्यकारिणीचे अध्यक्ष विजय नायनाक, सचिव नरेश घरटकर, ग्रामीण कार्यकारिणी व कुणबी युवक मंडळाच्या वतीने करण्यात आले आहे.