प्रहार जनशक्तीच्या
शहराध्यक्षपदी सुरूसे
चिपळूण : प्रहार जनशक्ती पक्षातर्फे शहरासह तालुक्यात पक्षविस्तार करण्याच्या हालचाली सुरू झाल्या आहेत. आगामी विधानसभा निवडणुकीच्या पार्श्वभूमीवर शहरात पक्ष मजबूत करण्यासाठी पदाधिकाऱ्यांचे संघटन केले जात आहे. त्यानुसार प्रहार जनशक्ती पक्षाच्या चिपळूण शहराध्यक्षपदी संदेश सुरूसे यांची नियुक्ती करण्यात आली. शहरातील तरुणांना बरोबर घेऊन पक्ष मजबूत करण्यावर आपण भर देणार असल्याचे सुरूसे यांनी सांगितले.
----------
गोपाळकृष्ण पतसंस्थेच्या
अध्यक्षपदी प्रसाद मेहता
दापोली : तालुक्यातील गोपाळकृष्ण पतसंस्थेच्या अध्यक्षपदी प्रसाद मेहता, उपाध्यक्षपदी अतुल मेहता यांची एकमताने निवड करण्यात आली. निवडणूक अधिकारी वेदा मयेकर यांच्या अध्यक्षतेखाली निवड करण्यात आली. या वेळी माजी अध्यक्ष राकेश कोटीया, सुधीर तलाठी, सुजय मेहता, रवींद्र गांधी, रमेश गिम्हवणेकर आदी उपस्थित होते.