मान्यताप्राप्त युनियनसाठी
गुप्त मतदान प्रक्रिया पूर्ण

केआरसी एम्प्लॉईज ः २२ केंद्रांवर प्रक्रिया

सकाळ वृत्तसेवा
कुडाळ, ता. ९ ः कोकण रेल्वे कामगारांची मान्यताप्राप्त युनियनसाठी आज गुप्त मतदान पद्धतीने प्रक्रिया पूर्ण झाली. हे मतदान महाराष्ट्र, गोवा आणि कर्नाटक या तीन राज्यांतील एकूण २२ मतदान केंद्रांवर झाले.
याबाबत दिलेल्या प्रसिद्धी पत्रकात म्हटले आहे की, कोकण रेल्वे कामगारांची मान्यताप्राप्त युनियनसाठी आज गुप्त मतदान पद्धतीने प्रक्रिया पूर्ण झाली. हे मतदान महाराष्ट्र, गोवा आणि कर्नाटक या तीन राज्यांतील एकूण २२ मतदान केंद्रांवर झाले. कोकण रेल्वेचे भारतीय रेल्वेत विलिनीकरण होत असताना ते स्वतंत्र कोकण रेल्वे झोन करून व्हावे, अशी के.आर.सी. युनियनची मागणी असून, या महत्त्वाच्या मुद्द्याला अनुसरून व कोकण रेल्वेच्या ‘मॉनिटायझेशन’चा डाव हाणून पाडण्यात के.आर.सी. युनियनला यश आले. कोकण रेल्वे कामगारांच्या अनेक मागण्या मान्य करून घेण्यात के.आर.सी. एम्प्लॉईज युनियनला आलेल्या यशाच्या आधारे ही निवडणूक लढविली गेली. मागच्या पंधरा दिवसांत महाराष्ट्र, गोवा आणि कर्नाटक या तीन राज्यांत विविध सभांमधून कामगारांचा पाठिंबा मिळाला आहे. के.आर.सी. एम्प्लॉईज युनियनचे अध्यक्ष सुभाष मळगी यांचे नेतृत्व व कोकण रेल्वे एम्प्लॉईज संघाचे अध्यक्ष मिलिंद तुळसकर, कार्याध्यक्ष नरेंद्र शिंदे यांचे नेतृत्व, के.आर.सी.च्या कार्यकर्त्यांचा पाठिंबा व एस.सी.एस.टी. असोसिएशनचा पाठिंबा या सर्वांची साथ लक्षात घेता के.आर.सी. एम्प्लॉईज युनियनचा विजय निश्चित असल्याची खात्री आहे.