-rat२२p२७.jpg-
२४N२०५८७
राजापूर ः बँक आणि प्रिंटिंग प्रेसच्या व्यवस्थापकांशी संवाद साधताना डॉ. जॅस्मिन.
------------

दहा लाखांवरील व्यवहारांची माहिती द्या

डॉ. जॅस्मिन ः बॅंक, प्रिटिंग प्रेस व्यवस्थापकांची राजापुरात बैठक
सकाळ वृत्तसेवा
राजापूर, ता. २२ ः विधानसभा निवडणुकीच्या आदर्श आचारसंहिता अनुषंगाने राजापूर मतदार संघाच्या निवडणूक निर्णय अधिकारी डॉ. जॅस्मिन यांच्या अध्यक्षतेखाली बँक व्यवस्थापक व प्रिंटिंग प्रेसच्या व्यवस्थापकांची बैठक झाली. १० लाख रुपयांवरील व्यवहार आणि कॅशबाबत सविस्तर अहवाल देण्याच्या सूचना देण्यात आल्या.
बैठकीला सहाय्यक निवडणूक निर्णय अधिकारी हर्षला राणे, तहसीलदार विकास गंबरे, प्रियांका ढोले, राजापूर विधानसभा मतदार संघातील सर्व बँक व्यवस्थापक व प्रिंटिंग प्रेसचे व्यवस्थापक उपस्थित होते. निवडणूक आयोगाच्या निर्देशानुसार, निवडणूक प्रक्रियेतील उमेदवारांना स्वतंत्र नवीन बँकखाते उघडणे, उमेदवारांचे खाते क्रमांक व पासबुक, चेक लवकर देण्यासाठी सहकार्य करण्याच्या सूचना डॉ. जॅस्मिन यांनी दिल्या. १० लाखावरील व्यवहार व कॅशबाबत अहवाल त्वरित कार्यालयाकडे देण्याच्या सूचना दिल्या तसेच सायंकाळी ६ नंतर कॅशचे व्यवहार करण्यास सांगण्यात आले. प्रिटिंग प्रेसच्या व्यवस्थापकांना प्रत्येक निवडणुकीचे पत्रक, हॅण्डबिल, प्लेकार्ड किंवा पोस्टर जे कोणत्याही प्रक्रियेद्वारे छापलेले किंवा मल्टीग्राफ (हाताने कॉपी करणे वगळता) समोर प्रिंटिंग प्रेसचे नाव आणि पत्ता आणि प्रकाशकाचे नाव आणि पत्ता असणे आवश्यक असल्याचे बैठकीत सांगण्यात आले.