चिपळुणात पहिल्यादिवशी एकही अर्ज नाही
सकाळ वृत्तसेवा
चिपळूण, ता. २२ ः विधानसभा निवडणुकीची रणधुमाळी सुरू झाली असून, उमेदवारी अर्ज भरण्याच्या पहिल्या दिवशी मंगळवारी एकही उमेदवारी अर्ज भरलेला नाही. विधानसभेसाठी एकूण ७ जणांनी उमेदवारी अर्ज घेतले आहेत. यामध्ये राष्ट्रवादी शरद पवार गटाचे प्रशांत यादव, राष्ट्रवादी अजित पवार गटाचे आमदार शेखर निकम यांच्यासह सातजणांचा समावेश आहे. विधानसभा निवडणुकीसाठी इच्छुक उमेदवारांना २२ ते २९ ऑक्टोबरदरम्यान उमेदवारी अर्ज दाखल करता येणार आहे.
मंगळवारी उमेदवारी अर्ज घेण्यास आणि भरण्यास सुरुवात झाली. पहिल्या दिवशी शेखर निकम, प्रशांत यादव, स्वप्ना यादव, संतोष शिंदे, महेंद्र पवार, सुनील सावर्डेकर, प्रशांत मोहिते या सातजणांनी उमेदवारी अर्ज घेतले आहेत; मात्र यातील एकाही उमेदवाराने अर्ज पहिल्यादिवशी दाखल केलेला नाही.