20664

मुख्यमंत्री शिंदे आज कुडाळात
कुडाळ, ता. २२ ः माजी खासदार नीलेश राणे हे उद्या (ता.२३) शिवसेना पक्षात प्रवेश करणार आहेत. या पक्ष प्रवेशाच्या सोहळ्याला मुख्यमंत्री एकनाथ शिंदे, माजी केंद्रीय मंत्री व खासदार नारायण राणे, उद्योग मंत्री उदय सामंत, शिक्षण मंत्री दीपक केसरकर, आमदार रवींद्र फाटक, भरत गोगावले तसेच शिवसेनेचे इतर नेते उपस्थित राहणार आहेत, अशी माहिती शिवसेनेचे जिल्हाप्रमुख संजय आंग्रे यांनी आज पत्रकार परिषदेत दिली. यावेळी सिंधुदुर्ग जिल्हा निरीक्षक व ठाणे नगरसेवक बाळा चिंदरकर, दीपक वेतकर, जिल्हा संघटक रुपेश पावसकर, मालवण माजी नगराध्यक्ष महेश कांदळगावकर, रत्नाकर जोशी, राजा गावकर तसेच इतर पदाधिकारी उपस्थित होते. कुडाळ हायस्कूलच्या मैदानावर हा पक्ष प्रवेश सोहळा उद्या सायंकाळी चार वाजता होणार आहे. उपस्थित सर्व पदाधिकाऱ्यांनी पक्षप्रवेश कार्यक्रमस्थळी जात मंडप तसेच इतर गोष्टींची पाहणी केली.