25848

दापोलीमध्ये ९४.०८ टक्के गृहमतदान
दापोली, ता. १७ ः दापोली विधानसभा क्षेत्रात एकूण ९४.०८ टक्के मतदारांनी गृह मतदानाचा हक्क बजावला आहे. दापोली विधानसभा क्षेत्रात गृह मतदानाची प्रक्रिया १४ ते १६ नोव्हेंबर या कालावधीत झाली. दिव्यांग आणि ८५ पेक्षा जास्त वय असलेल्या मतदारांना ही सुविधा उपलब्ध होती.
दापोली विधानसभा क्षेत्रात एकूण ९३० मतदारांनी गृहमतदानाचा विकल्प निवडला होता. ९३० मतदारांपैकी ११३ दिव्यांग व ८१७ मतदार हे ८५ पेक्षा जास्त वयाचे मतदार होते. त्यापैकी ११० दिव्यांग मतदारांनी आणि ८५ पेक्षा जास्त वयाच्या ७६५ ज्येष्ठ नागरिकांनी मतदानाचा हक्क बजावला. १७ मतदार मयत असून ३६ मतदार गृह भेटीदरम्यान विविध कारणांमुळे अनुपस्थितीत होते. २ मतदारांनी मतदान करण्यास नकार दिला. गृहभेटीच्या मतदानासाठी ४२ पथके तयार करण्यात आली होती. त्यामुळे ९४.०८ टक्के मतदान झाले.