जिल्ह्यात २,२७३ जणांना
गृहमतदान सुविधेचा लाभ

सकाळ वृत्तसेवा
सिंधुदुर्गनगरी, ता. १७ ः विधानसभा निवडणुकीत जास्तीत जास्त मतदान व्हावे, यासाठी जिल्हा निवडणूक निर्णय अधिकारी अनिल पाटील यांच्या मार्गदर्शनाखाली शासकीय यंत्रणेने नियोजन केले आहे. भारत निवडणूक आयोगाने ८५ वर्षांपुढील व दिव्यांग मतदार, जे मतदान केंद्रापर्यंत जाऊ शकणार नाहीत, त्यांच्यासाठी गृहमतदानाची सुविधा उपलब्ध करून दिली. जिल्ह्यात १५ ते १७ नोव्हेंबर दरम्यान गृहमतदानाची प्रक्रिया पार पडली. त्यामध्ये जिल्ह्यात २ हजार ३७० पैकी २ हजार २७३ मतदारांनी गृहमतदान केले. विधानसभा संघनिहाय गृहमतदारांची संख्या व एकूण मतदान पुढीलप्रमाणे ः कणकवली-१ हजार ११६ पैकी १ हजार ५५, (अपंग-१५८, ८५ वर्षांपुढील-८९७), कुडाळ-६३८ पैकी ६१२ (अपंग-६०, ८५ वर्षांपुढील-५५२), सावंतवाडी-६१६ पैकी ६०६ (अपंग-९१, ८५ वर्षांपुढील-५१५) मतदारांनी मतदान केले.