‘लायन्स आय’मध्ये मोफत उपचार

मतदानासाठी विशेष योजना ; २१ ते २४ नोव्हेंबर कालावधी
सकाळ वृत्तसेवा
पावस, ता. १९ ः विधानसभेच्या निवडणुकीत आपल्या सर्वांना मतदानाचा आपला अधिकार बजावयाचा आहे. यासाठी लायन्स क्लब ऑफ रत्नागिरी चॅरिटेबल ट्रस्टतर्फे एक अनोखी योजना राबवण्यात येत आहे. जे मतदार मतदानाचा हक्क बजावणार आहेत त्यांच्यासाठी डोळ्याचे उपचार आणि मोतिबिंदू शस्त्रक्रिया लायन्स आय हॉस्पिटल येथे मोफत करण्यात येणार आहेत.
सर्वांनी एक सुजाण नागरिक म्हणून आपला मतदानाचा हक्क १०० टक्के बजावायला हवा. जे मतदार आपला मतदानाचा हक्क बजावणार आहेत त्यांच्यासाठी आणि मतदान वाढवण्याच्यादृष्टीने लायन्स क्लब ऑफ रत्नागिरी चॅरिटेबल ट्रस्टने ही योजना लागू केली आहे. २१ ते २४ नोव्हेंबर या कालावधीसाठी ही योजना असणार आहे. रत्नागिरी विधानसभेतील मतदारांनी मतदान करून या योजनेचा लाभ घ्यावा, असे आवाहन ट्रस्टचे अध्यक्ष डॉ. संतोष बेडेकर यांनी केले आहे.