जिल्ह्यात २ हजार ४०४ पोलिसांचा बंदोबस्त
जिल्हा पोलिस दलाने एकूण २ हजार ४०४ पोलिस कर्मचाऱ्यांचा तगडा पोलिस बंदोबस्त तैनात केला आहे. रत्नागिरी आणि बाहेरच्या जिल्ह्यंतील १ हजार ६०० होमगार्ड, ६ कंपन्या यामध्ये ४ केंद्रीय राखीव दलाच्या कंपन्या आहेत. यावर एकूण १२३ पोलिस अधिकारी लक्ष ठेवून आहेत. ७८ सेक्टर तयार केले आहेत. या भागात पोलिस अधिकारी आणि कर्मचारी गस्त घालणार आहेत. ६ चेकपोस्टवर वाहनांची कसून तपासणी केली जाणार आहे. सायबर सेलदेखील सोशल मीडियावर लक्ष ठेवून असणार आहेत. सीसीटीव्ही व्हॅन जिल्ह्यात फिरणार असून, महत्त्वाच्या ठिकाणी व्हिडिओ शूटिंग करून रेकॉर्ड ठेवले जाणार आहे. दोन ड्रोन कॅमेऱ्याद्वारे जमाव आणि इतर महत्त्‍वाच्या घडामोडींवर लक्ष ठेवले जाणार आहे. नागरिकांनी निर्भयपणे मतदान करून लोकशाहीच्या उत्सवामध्ये सामील व्हावे, असे आवाहन जिल्हा पोलिस अधीक्षक डॉ. धनंजय कुलकर्णी यांनी केले आहे.