-rat२९p१४.jpg-
P२४N२८३०८
मंडणगड : शहरातून विजयी आमदार योगेश कदम यांची विजयी मिरवणूक काढण्यात आली.
----------
मंडणगडात आमदार कदमांची मिरवणूक

जंगी स्वागत ; नागरिकांकडून शुभेच्छांचा वर्षाव
सकाळ वृत्तसेवा
मंडणगड, ता. २९ ः दापोली मतदार संघात सलग दुसऱ्यांदा विजय मिळवल्यानंतर मंडणगडमध्ये आलेल्या आमदार योगश कदम यांची विजयी मिरवणूक काढण्यात आली. तालुकावासीयांनी जागोजागी फटाक्यांची आतषबाजी करत जंगी स्वागत करून एकच जल्लोष केला.
या निमित्ताने शिवसेना, युवासेनेतर्फे स्वागताचे कार्यक्रमांचे आयोजन करण्यात आले होते. विधानसभा निकालानंतर तातडीने मुंबई येथे जावे लागल्याने मंडणगडवासीयांची शुभेच्छा देण्याची हुकली होती. आमदार योगेश कदम मुंबई येथून तालुक्यात दाखल होताच म्हाप्रळ, शेनाळे, सोवली येथील त्यांच्या घरी नागरिकांनी स्वागत केले. भिंगळोली ते मंडणगड अशी रॅली काढण्यात आली. खालूबाजा, बँजो, डीजे अशा सर्व प्रकारच्या वाद्याचे साथीने शिवसैनिक, युवासैनिक व महायुतीतील घटक पक्षाचे कार्यकर्ते या मिरवणुकीत सहभागी झाले होते. अनेक जुन्याजाणत्या कार्यकर्त्यांनी योगेश कदम यांच्या विजयाचा आनंद मिरवणुकीत देहभान विसरून नाचत साजरा केला. मिरवणूक सुरू झाल्यावर नागरिकांनी आमदार योगेश कदम यांची भेट घेऊन हस्तांदोलन करत पुष्पगुच्छ व हार घालून अभिनंदन केले. मंडणगड बसस्थानक परिसरात रॅलीचा समारोप झाला.
रॅलीत शिवेसना तालुकाप्रमुख प्रताप घोसाळकर, माजी सभापती आदेश केणे, रामदास रेवाळे, अमिता शिंदे, अनंत लाखण, अस्मिता केंद्रे, विनोद जाधव, चेतन सातोपे, भाजपचे तालुकाध्यक्ष अप्पा मोरे, रिपाईंचे दादासाहेब मर्चंडे, आदेश मर्चंडे, मुश्ताक दाभिळकर आदींसह कार्यकर्ते सहभागी झाले होते.