29114

श्री देव खवणेश्वर मंदिरात
रविवारपासून कार्यक्रम

सकाळ वृत्तसेवा
म्हापण, ता. ३ ः श्री देव खवणेश्वराच्या २१ व्या वर्धापन दिनाच्या निमित्ताने श्री देव खणेश्वर मंदिर खवणे येथे ८ डिसेंबर ते १० डिसेंबर दरम्यान विविध कार्यक्रमांचे आयोजन करण्यात आले आहे.
यानिमित्त रविवारी (ता.८) सकाळी ८ वाजता अभिषेक आणि पूजन, सायंकाळी ७ वाजता खवणेश्वर प्रासादिक भजन मंडळ घाडीवाडी यांचा भजनाचा कार्यक्रम, रात्री ८ वाजता प्रसिद्ध बुवा गुंडू सावंत आणि स्वप्नील मेस्त्री यांचा डबलबारीचा जंगी सामना होणार आहे. ९ ला सकाळी ८ वाजता अभिषेक व पूजन, सायंकाळी ६.३० वाजता भजन, रात्री ८.३० वाजता शाळेतील मुलांचे कार्यक्रम आणि गाव मर्यादित रेकॉर्ड डान्स स्पर्धा. १० ला सकाळी ८ वाजता लघुरूद्र व पूजन, सकाळी ९ वाजता श्री सत्यनारायण पूजा व महाआरती, दुपारी १ ते ३ महाप्रसाद, ३ ते ८ ग्रामस्थांच्या व इतर भजन मंडळांचा भजन कार्यक्रम, रात्री ९ वाजता अमृतनाथ दशावतार नाट्यमंडळ म्हापण यांचा पौराणिक नाट्यप्रयोग होणार आहे. पहाटे ४ वाजता श्री देव ब्राम्हण प्रासादिक भजन मंडळ, पागेरेवाडी खवणे यांची काकड आरती होणार आहे. भाविकांनी कार्यक्रमांचा लाभ घ्यावा, असे आवाहन श्री देव खवणेश्वर युवक मित्रमंडळ व खवणेवासीयांनी केले आहे.