29340

दुचाकी-डंपरच्या धडकेत
दोडामार्गात दांपत्य गंभीर
दोडामार्ग, ता. ३ : वाळूची वाहतूक करणाऱ्या डंपरची दुचाकीला धडक बसून झालेल्या अपघातात दांपत्य गंभीर जखमी झाले. त्यांना गोवा बांबोळी येथे तातडीने हलविण्यात आले. या अपघातात दुचाकीचा चक्काचूर झाला. ही घटना आज पहाटे दोडामार्ग शहरात घडली. आज पहाटेच्या सुमारास हे दांपत्य दुचाकीने बाजारपेठेत येत होते. त्याचवेळी आयीच्या दिशेने वाळू घेऊन जाणाऱ्या एका डंपरची धडक दुचाकीला बसली. ही धडक एवढी जोरदार होती की दुचाकीचा चक्काचूर झाला. जखमी झालेल्या पती-पत्नींना तातडीने गोवा बांबोळी येथे रुग्णालयात हलविण्यात आले. त्यांची प्रकृती स्थिर असल्याची माहिती देण्यात आली. या अपघाताची पोलिस ठाण्यात रात्री उशिरापर्यंत नोंद नव्हती. वाळू वाहतूक करणारा डंपर भरधाव वेगात असल्यामुळे हा अपघात झाल्याची चर्चा होती.