30073

खारेपाटण येथे उद्या
जगनाडे महाराज जयंती

सकाळ वृत्तसेवा
तळेरे, ता. ७ : खारेपाटण येथील श्री देव कपिलेश्वर मंदिरात उद्या (ता. ८) तेली समाजाचे आराध्य दैवत तथा राष्ट्रीय संत शिरोमणी संताजी जगनाडे महाराज यांच्या ४०० व्या जयंतीचे आयोजन केल्याची माहिती तेली समाज मंडळ खारेपाटणचे कार्यकर्ते रमेश जामसंडेकर यांनी प्रसिद्धीपत्रकाद्वारे दिली.
तेली समाज बांधव आणि खारेपाटण ग्रामपंचायतीच्या संयुक्त विद्यमाने या कार्यक्रमाचे आयोजन केले आहे. सकाळी १०.०० वाजता सरपंच प्राची ईसवलकर यांच्या हस्ते संत जगनाडे महाराज यांच्या प्रतिमेचे पूजन, १०.३० वाजता महाआरती व उपस्थित प्रमुख पाहुण्यांचे स्वागत, ११.३० वाजता प्राथमिक शिक्षिका अर्चना तळगावकर व सुप्रिया झगडे यांचे ''संत जगनाडे महाराजांचा इतिहास व त्यांचे कार्य'' या विषयावर प्रबोधनपर मार्गदर्शन, दुपारी १ वाजता प्रसाद वाटप व त्यानंतर महिलांसाठी हळदी कुंकू कार्यक्रम होणार आहे. वारकरी भजन आणि आरतीने कार्यक्रमाची सांगता होणार आहे. खारेपाटण पंचक्रोशीतील तेली समाज ज्ञाती बांधवांनी मोठ्या संख्येने या कार्यक्रमास उपस्थित राहावे असे, आवाहन केले आहे.