-rat७p४.jpg-
P२४N३००६१
चिपळूण ः डीबीजे महाविद्यालयाच्या चिंचघरी येथील निवासी शिबिरात धीरज वाटेकर यांचे स्वागत करताना विद्यार्थी.
-----------
कोकणाचे वैभव जगासमोर आणले पाहिजे

धीरज वाटेकर ः चिंचघरीत डीबीजेचे निवासी शिबिर
सकाळ वृत्तसेवा
चिपळूण, ता. ७ : संपूर्ण कोकण जंगलांनी, दऱ्याखोऱ्यांनी, जैवविविधतेने, सह्याद्रीच्या अप्रतिम सौंदर्याने समृद्ध आहे. त्यामुळे कोकणकडे पर्यटकांचा ओढा वाढत आहे. त्यामध्ये प्रामुख्याने सुपरिचित व सुप्रसिद्ध पर्यटनस्थळांकडेच पर्यटक आकर्षिले जातात; मात्र त्या पर्यटन स्थानासोबत कोकणात अशी अनेक अपरिचित सौंदर्यस्थळे आहेत जी जगासमोर आणून समृद्ध कोकणची ओळख संपूर्ण जगाला करून देण्याची गरज आहे. त्या द्वारे संपूर्ण जग अपरिचित कोकणची सफर करेल, असे प्रतिपादन धीरज वाटेकर यांनी व्यक्त केले.
डीबीजे कनिष्ठ महाविद्यालयाच्या चिंचघरी (गणेशवाडी) येथे सुरू असलेल्या राष्ट्रीय सेवा योजना विभागाच्या ग्रामीण पुनर्रचना निवासी शिबिरात ''अपरिचित कोकणची सफर'' या विषयावर ते बोलत होते. या प्रसंगी महाविद्यालयाचे प्राचार्य डॉ. माधव बापट यांनी मनोगतात विद्यार्थ्यांनी कोकणातील पर्यटनाचा व्यावसायिकदृष्टीने अभ्यास करण्याचे व यातून करिअरच्या नव्या वाटा शोधण्याचे आवाहन केले.