30131

बांदा केंद्रशाळेतील उपक्रम आदर्शवत

रवींद्र खंदारे ः साताऱ्यातील शिक्षण अधिकाऱ्यांनी दिली भेट

सकाळ वृत्तसेवा
बांदा, ता. ७ ः बांदा केंद्रशाळेत राबविण्यात येत असलेले विद्यार्थी गुणवत्ता तसेच शाळेची पटसंख्या वाढीसाठी राबविण्यात येत असलेले विविध उपक्रम आदर्शवत असल्याचे मत सातारा उपशिक्षणाधिकारी खंदारे यांनी व्यक्त केले.
राष्ट्रीय शैक्षणिक धोरणान्वये निपुण भारत कार्यक्रमांतर्गत पायाभूत साक्षरता व संख्याज्ञान प्राथमिक स्तरावर राबविण्यात येत आहे. सिंधुदुर्ग जिल्हा हा अनेक शैक्षणिक उपक्रमांमध्ये महाराष्ट्र राज्यात अग्रेसर जिल्हा म्हणून ओळखला जातो. जिल्ह्यातील नावीन्यपूर्ण उपक्रम राबवत असलेल्या पीएम श्री जिल्हा परिषद बांदा केंद्रशाळेला सातारा येथील उपशिक्षणाधिकारी श्री. खंदारे यांच्यासह शिक्षक क्षेत्रातील अधिकाऱ्यांनी भेट दिली. यावेळी त्यांनी बांदा केंद्रशाळेत राबविण्यात येत असलेल्या विविध उपक्रमांचे कौतुक केले.
सातारा कमिटीने बांदा केंद्रशाळेत विद्यार्थ्यांच्या शैक्षणिक गुणवत्ता वाढीसाठी राबविण्यात येत असलेले विविध नावीन्यपूर्ण उपक्रम, लोकसहभाग, विद्यार्थ्यांचे सादरीकरण यांची पाहणी केली. या कमिटीत सातारा जिल्हा परिषद येथील शिक्षण विस्तार अधिकारी श्री. शिंगाडे, श्री. जाधव‌, सौ. गुरव‌, श्री. लोटेकर‌‌, श्री. शिंदे, केंद्रप्रमुख श्री. सातपुते, श्री. बागुल‌, श्री. भरकुंडे, श्री. पाटील, श्री. भस्मे, श्री. देशमुख, श्री. बागल, श्री. मगर, श्री. कदम, श्री. पवार, श्री. शेगडे आदी उपस्थित होते. या समितीचे स्वागत बांदा केंद्र मुख्याध्यापक शांताराम असनकर, केंद्रप्रमुख नरेंद्र सावंत, शाळा व्यवस्थापन समिती अध्यक्ष रत्नाकर आगलावे, उपाध्यक्षा संपदा सिद्धये, सदस्य हेमंत मोर्ये, विलवडे सरपंच प्रकाश दळवी आदी मान्यवरांच्या हस्ते करण्यात आले. या कमिटीला शाळेतील उपशिक्षक जे. डी. पाटील यांनी विविध उपक्रमांची माहिती दिली.