-rat१०p५१.jpg-
P२४N३०७८४
दापोली ः हिंदू न्याययात्रेत सहभागी झालेले सर्व हिंदू बांधव आणि भगिनी.
----------

दापोलीत हिंदू न्याययात्रा

बांगलादेशचा निषेध; तहसीलदारांना निवेदन
सकाळ वृत्तसेवा
दापोली, ता. १३ ः बांगलादेशातील हिंदू समाजावर होत असलेला अत्याचार कायमस्वरूपी बंद व्हावा, इस्कॉनच्या साधूंची तत्काळ मुक्तता व्हावी, तेथील हिंदूंच्या रक्षणासाठी बांगलादेशी सरकारला भारत सरकारतर्फे निर्देश देण्यात यावेत, या मागणीसाठी दापोलीत सकल हिंदू समाजाने हिंदू न्याययात्रा काढली. त्यानंतर मागणीचे निवेदन तहसीलदारांना दिले.
बांगलादेशामध्ये हिंदू समाजावर आणि अल्पसंख्यांक समाजावर अत्याचार होत आहेत. त्यांची मंदिरे, घरे, दुकाने जाळली जात आहेत. तेथील हिंदू महिलांवरदेखील अमानवीय पद्धतीने अत्याचार होत आहेत. आंतरराष्ट्रीय मानवाधिकार आयोगाने याची दखल घ्यावी व तेथील मुंडा, चकमा, कुकी, बौद्ध इत्यादी आदिवासी व दलीत हिंदू बांधवांना इस्लामी कट्टरतावाद्यांनी अवैध मार्गाने जीवन जगणे अत्यंत कष्टप्रद करून टाकले आहे. सर्व अत्याचाराची भारतातील हिंदू समाजास चिंता वाटत आहे. या घटनांचा अत्यंत कठोर शब्दात निषेध करण्यात आला.
---