बांधकरवाडीत
दत्तजन्मोत्सव
कणकवली, ता. ११ ः शहराती कणकवली-बांधकरवाडी येथील दत्तमंदिर येथे दत्तजन्मोत्सवानिमित्त ११ ते १५ डिसेंबर या कालावधीत विविध धार्मिक कार्यक्रमांचे आयोजन करण्यात आले आहे. या निमित्त बुधवार ११ ते रविवार १५ डिसेंबर पर्यंत दररोज पहाटे ५.३० वाजता काकड आरती, शनिवारी (ता.१४) सायंकाळी ४ वाजता हरिपाठ, सायंकाळी ७ वाजता श्रींची पाद्यपूजा, त्यानंतर भजने, रात्री ११ वाजता कीर्तन, रात्री १२ वाजता दत्तजन्म सोहळा व तिर्थप्रसाद त्यानंतर भालचंद्र दशावतार नाट्यमंडळ, हळवल यांचे दशावतारी नाटक, रविवारी (ता.१५) दुपारी १ वाजता महाप्रसाद असे कार्यक्रम होणार आहेत. या कार्यकामांचा भाविकांनी लाभ घ्यावा, असे आवाहन श्री दत्त प्रसादिक मंडळ-बांधकरवाडी यांनी केले आहे.