30968

पिंगुळीतील विजपुरवठा
सुरळीत करण्याची मागणी
सकाळ वृत्तसेवा
कुडाळ, ता. ११ ः पिंगुळी गावामध्ये वारंवार वीज पुरवठा खंडित होत असल्यामुळे पिंगुळीतील युवासेना (ठाकरे शिवसेना ) पदाधिकारी, कार्यकर्त्यांनी महावितरण कार्यालयावर धडक दिली. आठ दिवसात विजपुरवठा सुरळीत न केल्यास आंदोलन छेडण्याचा इशारा यावेळी देण्यात आला.
पिंगुळी गावामध्ये पाऊस सुरू झाल्यापासून तासनतास विद्युत पुरवठा खंडित केला जात आहे. त्यामुळे लोकांची मोठी गैरसोय होत आहे.
या पार्श्वभूमीवर पिंगुळीतील युवासेना (ठाकरे शिवसेना ) पदाधिकारी, कार्यकर्त्यांनी महावितरण कार्यालयावर धडक दिली. यावेळी विद्युत वाहिन्यांवर आलेल्या झाडांच्या फांद्या तोडण्यात याव्यात, विज पुरवठा सुरळीत ठेवावा, अशी मागणी यावेळी उपस्थितांनी केली. याबाबतचे निवेदनही यावेळी सादर करण्यात आले. या समस्यांची येत्या आठ दिवसात दखल न घेतल्यास युवासेनेच्यावतीने महावितरण कार्यालयावर तीव्र आंदोलन छेडणार असल्याचा इशारा दीपक गावडे, बाबल गावडे यांनी दिला. यावेळी पिंगुळी विभाग प्रमुख गंगाराम सडवेलकर, युवा सेना तालुका सचिव केतन शिरोडकर, दीपक गावडे, बाबल गावडे, मिलिंद परब, हेमंत पिंगुळकर, तुळशीदास पिंगुळकर, दीपक धुरी, केदार रासम, अजय बांदेकर, भरत परब, कपिल म्हापसेकर, धनंजय पेडणेकर, राजन पुरलकर उपस्थित होते.