swt1115.jpg
30945
श्री देवी भगवती माऊली

चिंदर येथे शनिवारपासून भगवती माऊली यात्रोत्सव
विविध धार्मिक, सांस्कृतिक कार्यक्रमांचे सेवा समितीतर्फे आयोजन
सकाळ वृत्तसेवा
आचरा, ता. ११ः चिंदर येथील श्री देवी भगवती माऊलीचा यात्रोत्सव १४ ते १८ डिसेंबर कालावधीत साजरा होणार आहे. पाच दिवस चालणाऱ्या या उत्सवात विविध धार्मिक आणि सांस्कृतिक कार्यक्रमांचे आयोजन बारापाच मानकरी व श्री देवी भगवती माऊली सेवा समिती चिंदरतर्फे केले आहे.
शनिवारी (ता. १४) सकाळी ९ वाजता यात्रोत्सवास सुरुवात, दुपारी १२ वाजल्यापासून श्री देवी भगवती माऊलीस मानकऱ्यांतर्फे महाप्रसाद, रात्री ११ वाजता ढोलताशांच्या गजरात व फटाक्यांच्या आतषबाजीत रामेश्वर मंदिराकडून ग्रामदेवता तरंगांचे भगवती मंदिरात आगमन, रविवारी (ता. १५) पहाटे ३ वाजता पुराण गोंधळ व दिंडे जत्रा म्हणून प्रसिद्ध असलेल्या देवीच्या दिवट्यांचे नृत्य, सायंकाळी ५.३० पासून स्थानिक भजने होणार आहेत. यात श्री देव रामेश्वर प्रासादिक भजन मंडळ देवूळवाडी, ब्राह्मण प्रासादिक भजन मंडळ साटमवाडी, रात्री ७.३० ते ८.३० पर्यंत गावडे पुरुष प्रासादिक भजन मंडळ गावडेवाडी यांचे भजन, रात्री ९ वाजता पुराण, कीर्तन, श्रींची आरती होणार आहे. सोमवारी (ता. १६) सायंकाळी ४ पासून श्री सिद्धेश्वर प्रासादिक भजन मंडळ सडेवाडी, गांगेश्वर प्रासादिक भजन मंडळ पालकरवाडी, वाडत्री ब्राम्हण प्रासादिक भजन मंडळ कोंड अपराजवाडी यांचे, रवळनाथ प्रासादिक भजन मंडळ कुंभारवाडी यांची भजने, रात्री ९ वाजता पुराण, गोंधळ, आरती आदी कार्यक्रम होतील. मंगळवारी (ता. ११) ब्राम्हण प्रासादिक भजन मंडळ लब्देवाडी, ब्राह्मण प्रासादिक भजन मंडळ तेरईवाडी, आकारी ब्राम्हणदेव प्रासादिक भजन मंडळ गावठणवाडी यांची भजने, रात्री ९ वाजता पुराण, गोंधळ, कीर्तन, आरती आदी कार्यक्रम, बुधवारी (ता. १८) दुपारी ३ ते ६ चालू वहिवाटदार सर्व महिलांमार्फत हळदीकुंकू समारंभ, सायंकाळी ६ वाजता पिसाळी ब्राम्हण देव प्रासादिक भजन मंडळ तेरई, भगवती प्रासादिक भजन मंडळ भटवाडी या स्थानिक मंडळांची भजने, रात्री १० वाजता जय हनुमान पारंपरिक दशावतारी नाट्य मंडळ ओरोस-दांडेली यांचे नाटक ''विंध्यवासिनी विंद्येश्वरी'', रात्री २.३० नंतर गोंधळ, कीर्तन, लळित समाप्ती व दिवट्या नृत्य आदी कार्यक्रम होणार आहेत. भाविकांनी याचा लाभ घेण्याचे आवाहन बारापाच मानकरी व श्री देवी भगवती माऊली सेवा समिती चिंदर यांच्यावतीने केले आहे.