वेंगुर्ले येथे शुक्रवारपासून
राज्यस्तर एकांकिका स्पर्धा
सकाळ वृत्तसेवा
वेंगुर्ले, ता. ७ ः ''कलावलय'' संस्था वेंगुर्ले यांच्या माध्यमातून आयोजित करण्यात येणारी (कै.) शशिकांत येरनाळकर स्मृती राज्यस्तरीय एकांकिका स्पर्धा १० ते १२ जानेवारी या कालावधीत वेंगुर्ले येथे आयोजित केली आहे. ही स्पर्धा येथील मधुसूदन कालेलकर सभागृहात होणार आहे. स्पर्धेचे उद्घाटन शुक्रवारी (ता. १०) ज्येष्ठ सिने अभिनेते नंदकुमार पाटील यांच्या हस्ते होणार आहे. या स्पर्धेत सिंधुदुर्गसह रत्नागिरी, कोल्हापूर, मुंबई येथील स्पर्धक सहभागी होणार आहेत. उद्घाटनप्रसंगी जिल्हा नियोजन समिती सदस्य सचिन वालावलकर, माजी नगराध्यक्ष तथा जिल्हा नियोजन समिती सदस्य राजन गिरप, उद्योजक दिगंबर नाईक, बीकेसीचे सतीश डुबळे, ''कलावलय''चे अध्यक्ष बाळू खामकर, पदाधिकारी संजय पुनाळेकर, सुनील रेडकर आदी उपस्थित राहणार आहेत. त्यानंतर परिवर्तन कला फाउंडेशन कोल्हापूर यांची ''कलम ३७५'', उगवाई कलारंग-फोंडाघाट यांची ''जापसा'', संत राऊळ महाराज महाविद्यालय कुडाळची ''ऑफलाईन'', ढ मंडळी कुडाळ यांची ''वाल्मिकी'', ११ ला सायंकाळी ४ वाजता मुख्तलीफ थिएटर कोल्हापूर यांची ''निर्झर'', शब्दांकूर रंगमंच-आरवली यांची ''ओळख'', नाटकवेडे रत्नागिरीची ''विठाई'', मॅडबॉक्स थिएटर-नवी मुंबई यांची ''मैं'', कलांगण मालवण यांची ''विवर'', १२ ला दुपारी ३ वाजता गायन समाज देवल क्लब कोल्हापूर यांची ''ऑलमोस्ट डेड'', दृष्टी-पुणे यांची ''ओळख'', थिएटरवाले मुंबईची ''चोली के पिछे क्या है'', बी. व्ही. थिएटर्स कुडाळची ''ऑफलाईन'', अंब्रेश्वर थिएटर्स मुंबई यांची ''चारू'', कलासक्त मुंबई यांची ''पूर्णविराम'', क्रीएटिव्ह कार्टी यांची ''इंटररोगेशन'' अशा एकांकिका सादर होणार आहेत. नाट्य रसिकांनी या एकांकिका स्पर्धेला उपस्थित राहावे, असे आवाहन कालावलय परिवारातर्फे करण्यात आले आहे.