चंपक मैदानात दारू
पिणाऱ्याविरुद्ध गुन्हा
रत्नागिरी ः शहरातील चंपक मैदान येथील सार्वजनिक ठिकाणी झा़डाच्या आडोशाला दारू पिणाऱ्या प्रौढाविरुद्ध ग्रामीण पोलिसात गुन्हा दाखल केला आहे. खाजापटेल इमामपटेल तळोळी (वय ४४, रा. झाडगाव, एमआयडीसी रत्नागिरी) असे संशयिताचे नाव आहे. ही घटना सोमवारी (ता. ६) रात्री साडेआठच्या सुमारास चंपक मैदान येथील झाडाच्या आडोशाला निदर्शनास आली. संशयित हा मद्य प्राशन करत असताना आढळला. या प्रकरणी पोलिस हेडकॉन्स्टेबल रूपेश भिसे यांनी ग्रामीण पोलिसात तक्रार दिली. तक्रारीवरून पोलिसांनी संशयिताविरुद्ध गुन्हा दाखल केला आहे.
--------
कोतापूरमध्ये
दारू जप्त
रत्नागिरीः विनापरवाना राज्य व गोवा बनावटीची दारू विक्रीसाठी बाळणाऱ्याविरुद्ध पोलिसांनी कारवाई केली. या कारवाईत २ हजार ३६० रुपयांचा मुद्देमाल जप्त केला. संशयिताविरुद्ध राजापूर पोलिसात गुन्हा दाखल केला आहे. जनक आत्माराम जाधव (४४, रा. कोतापूर, बौद्धवाडी, ता. राजापूर) असे संशयिताचे नाव आहे. ही घटना सोमवारी (ता. ६) दुपारी साडेचारच्या सुमारास कोतापूर बौद्धवाडी येथील बुद्धविहाराच्या मागील बाजूस निदर्शनास आली. कोतापूर येथे विनापरवाना राज्य व गोवा बनावटी दारूची विक्री होत असल्याची माहिती पोलिसांना मिळाली होती. त्या आधारे पोलिसांनी कारवाई केली. या कारवाईत पोलिसांनी २ हजार ३६० रुपयांचा मुद्देमाल जप्त केला. या प्रकरणी महिला पोलिस हवालदार हर्षदा चव्हाण यांनी राजापूर पोलिसात तक्रार दिली. तक्रारीवरून पोलिसांनी संशयिताविरुद्ध गुन्हा दाखल केला आहे.