-rat१७p२२.jpg
OP२५N३९२८८
ः मंडणगड ः ग्रंथप्रदर्शनाचे उद्‍घाटन करताना महाविद्यालयाचे प्राचार्य डॉ. राहुल जाधव.
--------
अवांतर वाचनाने व्यक्तीमत्वाचा विकास
डॉ. राहुल जाधव ः मुंडे महाविद्यालयात ग्रंथ प्रदर्शन
सकाळ वृत्तसेवा
मंडणगड, ता. १८ ः विद्यार्थ्यांनी मोबाईलचा वापर कमी करून वाचनाकडे वळावे. कारण, अवांतर वाचनाने आपल्या व्यक्तीमत्वाचा सर्वांगीण विकास होतो तसेच आपल्याला वेळेचा सदुपयोग करता येतो. चांगले काय वाईट काय याकरिता आपण सर्वांनी वाचन करून जास्तीत जास्त ज्ञान आत्मसात करायला शिकावे, असे प्रतिपादन ग्रंथप्रदर्शनाचे उद्‍घाटन करताना प्राचार्य डॉ. राहूल जाधव यांनी केले.
लोकनेते गोपीनाथ मुंडे महाविद्यालयामध्ये वाचन संकल्प महाराष्ट्राचा पंधरवडानिमित्त महाविद्यालयात ग्रंथालय विभाग व मराठी भाषा मंडळ यांच्या संयुक्त विद्यमाने या प्रदर्शनाचे आयोजन करण्यात आले. उद्‍घाटन प्राचार्य डॉ. राहुल जाधव यांच्या हस्ते झाले. या वेळी उपप्राचार्य डॉ. वाल्मिक परहर, डॉ. अशोक साळुंखे, डॉ. धनपाल कांबळे, ग्रंथपाल डॉ. दगडू जगताप आदी उपस्थित होते. वाचन संकल्प महाराष्ट्राचा पंधरवड्यानिमित्त महाविद्यालयात विविध उपक्रम घेण्यात आले. यामध्ये सामूहिक वाचन संकल्प, वाचन संकल्प शपथ, आपल्या आवडीनुसार ग्रंथवाचन, अवांतर वाचनाची आवड निर्माण व्हावी म्हणून जनरल नॉलेज आधारित प्रश्नावली, वाचन कौशल्ये कार्यशाळा व लेखक आपल्या भेटीला तसेच ग्रंथ प्रदर्शन या विषयावर कार्यक्रमाचे आयोजन करण्यात आले.
---