swt183.jpg
39468
कुडाळः फ्रेंडशिप संघाच्या सुमित डोंगरे याला सामनावीरने गौरविताना कुडाळ हायस्कूलचे माजी मुख्याध्यापक अरविंद शिरसाट.

''फ्रेंडशिप चेंदवण''चा
१०३ धावांचा डोंगर
सकाळ वृत्तसेवा
कुडाळ, ता. १८ ः येथील क्रीडा संकुल येथे सुरू असलेल्या प्रिन्स समादेवी मित्रमंडळ कुडाळ व कलेश्वर मित्रमंडळ आयोजित आंतरराज्य क्रिकेट स्पर्धेमध्ये तिसऱ्या दिवशी फ्रेंडशिप चेंदवण संघाने उपांत्य फेरीत प्रवेश केला. षटकार-चौकारांची फटकेबाजी करत फ्रेंडशिप चेंदवणने सहा षटकांत १०३ धावांचा डोंगर उभा केला.
तिसऱ्या दिवशी पहिला सामना टीटीएमएम कुडाळ व क्रीडा संकुल ओरोस यांच्यामध्ये झाला. यामध्ये क्रीडा संकुल ओरोस संघ विजयी ठरला. या संघाचा मंगेश सामनावीर पुरस्काराचा मानकरी ठरला. दुसरा सामना मॉर्निंग स्टार कुडाळ व रजा इलेव्हन यांच्यामध्ये झाला. या सामन्यामध्ये रजा इलेव्हन संघ विजयी झाला. या संघाच्या राजाराम याने सामनावीर किताब पटकावला. तिसरा सामना फ्रेंडशिप चेंदवण व ओम इलेव्हन कुडाळ यांच्यामध्ये झाला. फ्रेंडशिप चेंदवणने बबल नाईकच्या ३४ व दाजी नाईक यांच्या ३५ धावांच्या जोरावर १०३ धावांचा डोंगर उभारला. ओम इलेव्हन संघ ३० धावांपर्यंत मजल मारू शकला. बबल नाईक सामनावीर ठरला.पु ढील सामना डॅझलिन म्हापसा व दशावतार योद्धा यांच्यात झाला. दशावतार योद्धा संघ विजयी होऊन अमित झोरे सामनावीर पुरस्काराचा मानकरी ठरला. फ्रेंडशिप चेंदवण व क्रीडा संकुल ओरोस यांच्यात झालेल्या सामन्यात चेंदवण संघ विजयी झाला. गोपाळ बटा सामनावीर ठरला. दिवसभरातील शेवटचा सामना फ्रेंडशिप चेंदवण व दशावतार योद्धा यांच्यात झाला. प्रथम फलंदाजी करताना फ्रेंडशिपने गोपाळ बटा २८ व सुमित डोंगरे यांच्या ४२ धावांच्या जोरावर सहा षटकांत ७७ धावा जमवल्या. दशावतार योद्धा संघाने धावांचा पाठलाग करताना सुरुवात छान केली; मात्र शेवटच्या दोन षटकांत २४ धावांची आवश्यकता असताना सुरेख गोलंदाजीच्या जोरावर विजय मिळवून फ्रेंडशिप संघाने उपांत्य फेरीत प्रवेश केला.