-rat१८p५.jpg
P२५N३९४७९
-मंडणगड ः दिवाणी न्यायालयाच्या नवीन इमारतीची पाहणी करताना प्रमुख जिल्हा व सत्र न्यायाधीश सुनील गोसावी, मुख्य न्यायदंडाधिकारी निखिल गोसावी, जिल्हाधिकारी एम. देवेंदर सिंह, पोलीस अधीक्षक धनंजय कुलकर्णी.
------------
न्यायालय इमारतीच्या कामांचा आढावा
न्यायाधिश गोसावी यांनी केली पाहणी ; १५ ऑगस्टपर्यंत तयार होण्याची शक्यता
सकाळ वृत्तसेवा
मंडणगड, ता. १८ ः मंडणगड दिवाणी न्यायालयाची पूर्णत्वास जात असलेल्या नवीन इमारतीचे बांधकाम व अन्य सुविधांची पाहणी रत्नागिरीचे प्रमुख जिल्हा व सत्र न्यायाधीश सुनील गोसावी, रत्नागिरी मुख्य न्यायदंडाधिकारी निखिल गोसावी, जिल्हाधिकारी एम. देवेंदर सिंह यांनी केली.
या वेळी पोलिस अधीक्षक धनंजय कुलकर्णी, जिल्हा न्यायालयाचे सहाय्यक अधीक्षक विजय चव्हाण, प्रांताधिकारी अर्चना बोंबे, तहसीलदार अक्षय ढाकणे, अधीक्षक अभियंता मिलिंद कुलकर्णी, कार्यकारी अभियंता अमरदीप रामसे आदी उपस्थित होते.
मंडणगडमध्ये ८ ऑक्टोबर २०२३ ला प्रथमच दिवाणी न्यायालय सुरू करण्यात आले. या न्यायालायासाठी सुसज्ज अशी स्वमालकीची इमारत असावी, यासाठी जागेची उपलब्धता करून त्या ठिकाणी सर्वोच्च न्यायालयाचे न्यायमूर्ती भूषण गवई यांच्या हस्ते या नवीन इमारतीचे भूमीपूजन करण्यात आले होते. डॉ. बाबासाहेब आंबेडकर यांच्या मूळगाव असलेल्या मंडणगड तालुक्यात सुरू करण्यात आलेल्या न्यायालयाची नवीन प्रशस्त इमारत लवकरात लवकर पूर्ण व्हावी, अशी सर्वांची इच्छा आहे. एकूणच या इमारतीसंदर्भात आढावा व पाहणी दरम्यान जिल्हा न्यायालयाचे न्यायाधीश यांनी मंडणगड येथे प्रत्यक्ष न्यायालयाच्या नवीन इमारतीच्या ठिकाणी सर्व संबंधित अधिकाऱ्यांच्या उपस्थित भेट दिली. पाहणीनंतर जिल्हाधिकारी एम. देवेंदर सिंह म्हणाले, १५ ऑगस्ट पर्यंत न्यायालयाच्या नवीन इमारतीचे बांधकाम पूर्ण होण्याची शक्यता आहे.