-rat18p16.jpg
39514
लांजा ः पोलिसांनी ताब्यात घेतलेली बेकायदेशीरपणे गुरांची वाहतूक करणारी गाडी.

जनावरांची बेकायदेशीर वाहतूक
करणारी गाडी रिंगणेकोंडला पकडली

शिव प्रतिष्ठान हिंदुस्तानच्या कार्यकर्त्यांनी पोलिसांकडे सोपवले

लांजा, ता. १८ ः जनावरांची बेकायदेशीरपणे वाहतूक करणारी गाडी शिवप्रतिष्ठान हिंदुस्तानच्या कार्यकर्त्यांनी पकडून लांजा पोलिसांच्या ताब्यात दिली. ‌ही घटना रिंगणेकोंड या ठिकाणी शुक्रवारी १७ जानेवारीला दुपारी २.४५ वाजता घडली. यात वापरण्यात आलेली गाडी व दोन बैल असा एकूण २ लाख ८० हजार रुपयांचा मुद्देमाल पोलिसांनी ताब्यात घेतला आहे. तर या प्रकरणी राजापूर तालुक्यातील दोघांवर कारवाई करण्यात आली आहे.
याबाबत पोलिसांनी दिलेल्या माहितीनुसार, व्हेळ ते पाचल रोडवर बेकायदा व विनापरवाना जनावरांची वाहतूक होत असल्याची माहिती शिवप्रतिष्ठान हिंदुस्थान संघटनेच्या कार्यकर्त्यांना मिळाली होती. त्यानुसार काल शुक्रवारी दुपारी सापळा रचण्यात आला होता. दुपारी २.४५ वाजण्याच्या दरम्याने व्हेळफाटा ते पाचलकडे जाणाऱ्या रोडवर रिंगणेकोंड या ठिकाणी गाडी (एमएच ०६, बीजी २८०१) थांबवण्यात आली. या गाडीच्या पाठीमागील हौद्यात दोन बैलांना चारापाण्याची व्यवस्था दाटीवाटीने बांधून ठेवल्याचे आढळून आले. त्यांच्याकडे गुरे वाहतुकीचा परवानादेखील नव्हता. याची माहिती पोलिसांना देण्यात आली. फिर्याद वेदांत विठ्ठल दळवी (वय २४, रा. आरगाव फौजदारवाडी) यांनी दिली. विनापरवाना जनावरांची वाहतूक केल्याप्रकरणी पोलिसांनी नाझीम हुसेन फकीर (३५, रा. मूर मुस्लिमवाडी, राजापूर) आणि आजीम हुसेन फकीर (४२, रा. मूर मुस्लिमवाडी, राजापूर) या दोघांवर पोलिसांनी गुन्हा दाखल केला आहे. या घटनेत वापरण्यात आलेली २ लाख ५० हजार रुपयांची गाडी तसेच ३० हजारांचे दोन बैल असा मुद्देमाल पोलिसांनी जप्त केला आहे. या प्रकरणी अधिक तपास पोलिस करत आहेत.