46113

कणकवलीत साकारल्या किल्ल्यांच्या प्रतिकृती

विद्यामंदिरचा उपक्रम ः विद्यार्थ्यांच्या कलागुणांना चालना

सकाळ वृत्तसेवा
कणकवली,ता. १८ : शहरातील विद्यामंदिर माध्यमिक प्रशालेतील विद्यार्थांनी छत्रपती शिवाजी महाराज जयंतीच्या पूर्वसंध्येला प्रशालेच्या प्रांगणात विविध किल्ल्याच्या प्रतिकृती साकारल्या. याला चांगला प्रतिसाद मिळाला.
शालेय जीवणात अंगीकृत केलेला वाव देण्यासाठी या उपक्रमाचे आयोजन केले होते. प्रशालेच्या परिसरात दिवसभर कष्ट घेऊन पाचवी ते सातवीच्या विद्यार्थ्यांनी शिवछत्रपतीचे राज्य पुन्हा प्रशालेच्या परिसरात किल्ल्याच्या रूपात साकार केले. इतिहाची साक्ष सांगणारे आणि प्राचिन शिवकलेचे विविध नमुणे रायगड, प्रतापगड, राजगड, शिवनेरी, सिंधुदुर्ग, विजयदुर्ग, जंजिरा, तोरणा असे एकापेक्षा एक देखणे गडकिल्ले विद्यार्थांनी कल्पकतेने तयार करून शिवछत्रपतींच्या संपूर्ण जीवन कार्यांची आठवण करून दिली. दगड मातींचा वापर करून सुंदर अशी सजावट केली. विविध किल्ले जिवंत करण्याचे कौशल्य विद्यार्थ्यांच्या कला गुणांना वाव देणारे होते. यासाठी कला शिक्षक प्रसाद राणे, जे.जे. शेळके, विद्या शिरसाट यांनी विद्यार्थांना प्रोत्साहन दिले. मुख्याध्यापक पी.जे. कांबळे यांनी विद्यार्थांना इतिहासातील शिवाजी महाराजांच्या कार्याची आठवण करून देत ऐतिहासिक किल्ले हे राष्ट्राचे धन आहे. त्यांचे जतन करावे, असे आवाहन केले. पर्यवेक्षक अच्युतराव वणवे यांनी विद्यार्थ्यांचे कौतुक केले. यावेळी प्रशालेतील सर्व शिक्षक, शिक्षकेत्तर कर्मचारी यांनी किल्ल्यांची पहाणी करून विद्यार्थ्यांचे अभिनंदन केले.