बँक ऑफ इंडियाच्या
रत्नागिरी शाखेला पुरस्कार
सकाळ वृत्तसेवा
रत्नागिरी, ता. २५ : हिंदीचा प्रचारप्रसार कार्य करणाऱ्या संस्थांना भारत सरकार, राजभाषा विभागद्वारा दिला जाणारा सर्वोच्च पुरस्कार नगर राजभाषा समिती आणि बँक ऑफ इंडियाच्या रत्नागिरी विभागीय कार्यालयाला घोषित करण्यात आला होता.
नगर राजभाषा कार्यान्वयन समिती व बँक ऑफ इंडियाने विविध क्षेत्रात केंद्र सरकारचे हिंदीच्या प्रचारप्रसाराचे काम केले आणि शाळा, महाविद्यालयात विविध कार्यक्रमांचेही आयोजन केले होते. समितीचे स्वतंत्र कार्यालय त्याचबरोबर हिंदी, मराठी पुस्‍तकांचे ग्रंथालय बँक ऑफ इंडिया, विभागीय कार्यालयाने सर्व कर्मचाऱ्यांकरिता उपलब्ध करून दिली आहे. समितीच्या संयोजनाचे कार्य बँक ऑफ इंडियाच्या विभागीय कार्यालयाकडे सोपवलेले आहे. हा पुरस्कार रत्नागिरी शहरातील सर्व केंद्र सरकारी कार्यालय, विमा कंपनी तथा बँकांच्या कार्यालयांनी केलेल्या हिंदीच्या कार्याचा गौरव असल्याचे समितीचे अध्यक्ष देवरे यांनी सांगितले. बँक ऑफ इंडियाच्या विभागीय कार्यालयामधील आंतरिक कामाकाजामध्ये हिंदीचा उत्कृष्ट प्रयोग केला जातो. प्रत्येक तिमाहीमध्ये ई-पत्रिका प्रकाशित केली जाते. विभागीय कार्यालयांतर्गत येणाऱ्या ९३ शाखांमध्ये क्षेत्रीय भाषा मराठीबरोबरच हिंदीचा प्रयोग केला जातो. या कार्याची नोंद घेऊन केंद्र सरकारने पुरस्कार प्रदान केला. समितीचे सदस्य सचिव व बँक ऑफ इंडियाचे वरिष्ठ प्रबंधक राजभाषा म्हणून गायकवाड काम पाहत आहेत.