47684

तळेरे दळवी महाविद्यालयात
करिअरविषयी मार्गदर्शन

सकाळ वृत्तसेवा
तळेरे, ता. २५ ः येथील मुंबई विद्यापीठाच्या विजयालक्ष्मी विश्वनाथ दळवी महाविद्यालयात एनएसएस, एनसीसी, डीएलएलई व करिअर कट्टा विभागाच्यावतीने करिअर मार्गदर्शन शिबिराचे आयोजन करण्यात आले होते. करिअरच्या वाटा या विषयावर चार्टर्ड अकाऊंटंट (मुंबई) लक्ष्मण दाभोळकर यांनी मार्गदर्शन केले.
श्री. दाभोळकर यांनी विद्यार्थी जीवनात येणाऱ्या अडचणींना सामारे जाऊन कसे यशस्वी व्हावे याबद्दल मार्गदर्शन केले. यानंतर सहायक प्राध्यापक नरेश शेटये यांनी त्यांची मुलाखत घेतली. यात त्यांनी विद्यार्थी दशेत किती अडचणी आल्या व त्यातून मार्ग काढत चार्टर्ड अकाऊंटंट (सी.ए.) कसे झालो, याबद्दल माहिती देऊन वाणिज्य विभागातील करिअरच्या संधीबद्दल माहिती दिली. यावेळी वरिष्ठ सहायक प्राध्यापक हेमंत महाडिक, विद्यार्थी, शिक्षक शिक्षकेतर कर्मचारी उपस्थित होते. सहायक प्राध्यापक नरेश शेटये यांनी आभार मानले.