-ratchl२५५.jpg-
P२५N४७६८७
चिपळूण ः टर्फ विकेट मैदानाचे उद्‍घाटन करताना आंतरराष्ट्रीय क्रिकेटपटू व्यंकटेश अय्यर व रिंकू सिंग
--------------

सावर्डे मैदानाचे रिंकू, अय्यरकडून कौतुक
सकाळ वृत्तसेवा
चिपळूण, ता. २५ ः गोविंदराव निकम क्रीडानगरीमधील सीझन बॉल (टर्फ विकेट) क्रिकेट मैदानातून आंतरराष्ट्रीय दर्जाचे खेळाडू घडतील, असा विश्वास आंतरराष्ट्रीय क्रिकेटपटू व्यंकटेश अय्यर व रिंकू सिंग यांनी व्यक्त केला.
आमदार शेखर निकम यांच्या पुढाकाराने तालुक्यातील खरवते दहिवली येथील गोविंदराव निकम क्रीडानगरीमध्ये शिक्षणसंस्थेतर्फे सीझन बॉल टर्फ विकेट क्रिकेट मैदान तयार करण्यात आले आहे. या मैदानाचे मंगळवारी आंतरराष्ट्रीय क्रिकेटपटू व्यंकटेश अय्यर, रिंकू सिंग, भारतीय संघाचे माजी यष्टीरक्षक चंद्रकांत पंडित, प्रशिक्षक दिनेश लाड, सचिन कोळी यांच्या हस्ते उद्‍घाटन करण्यात आले. अय्यर व सिंग यांनी या मैदानातील सोयीसुविधा पाहून समाधान व्यक्त केले. या मैदानात रणजी स्पर्धादेखील होऊ शकते, असा विश्वास व्यक्त केला. पंडित यांनी गोविंदराव निकम क्रीडा नगरीच्या सीझन बॉल टर्फ क्रिकेट मैदानात स्थानिक क्रिकेटपटूंना चांगले मैदान मिळाल्याचे सांगितले. या वेळी आमदार शेखर निकम, सह्याद्री शिक्षणसंस्थेचे अध्यक्ष बाबासाहेब भुवड, सचिव महेश महाडीक, माजी सभापती पूजा निकम, अनिरूद्ध निकम, सुभाष मोहिरे, उपसरपंच जमीर मुल्लाजी आदी उपस्थित होते.