50937

वैभववाडी उपनगराध्यक्षपदी
प्रदीप रावराणे यांची वर्णी

सकाळ वृत्तसेवा
वैभववाडी, ता. १२ ः वाभवे वैभववाडी नगरपंचायतीच्या उपनगराध्यक्षपदी प्रदीप रावराणे यांची निवड झाली. या निवडीनंतर भाजप कार्यकर्त्यांनी फटाक्यांची आतषबाजी केली.
उपनगराध्यक्ष संजय सावंत यांनी पक्षांतर्गत ठरलेल्या सूत्रानुसार राजीनामा दिला. त्यानंतर आज प्रांताधिकारी जगदीश कातकर आणि सहाय्यक निवडणूक अधिकारी प्रतीक थोरात यांच्या उपस्थितीत निवडणूक प्रकिया राबविण्यात आली. उपनगराध्यक्ष पदाकरिता रावराणे यांचा एकमेव अर्ज दाखल झाल्यामुळे त्यांची निवड जाहीर करण्यात आली. या निवडीनंतर भाजप कार्यकर्त्यांनी ढोलताशांचा गजर आणि फटाक्यांची आतषबाजी केली. यावेळी नगराध्यक्ष श्रध्दा रावराणे, माजी नगराध्यक्ष नेहा माईणकर, संजय सावंत, रणजित तावडे, रोहन रावराणे, विवेक रावराणे, राजन तांबे, सुभाष रावराणे, दिगंबर मांजरेकर आदी उपस्थित होते.