swt2431.jpg
53242
देवगड : येथील शेठ म. ग. हायस्कूलच्या वर्गखोलीच्या नामकरण फलकाचे अनावरण करण्यात आले.

देवगड हायस्कूलमध्ये ना. द. कामत कक्ष
वर्गखोलीचे नामकरणः मान्यवरांच्या उपस्थितीत फलकाचे अनावरण
सकाळ वृत्तसेवा
देवगड, ता. २४ : येथील शेठ म. ग. हायस्कूलमधील ''ना. द. कामत कक्ष'' या वर्गखोलीच्या नामकरण फलकाचे अनावरण विविध मान्यवरांच्या उपस्थितीत झाले.
येथील देवगड एज्युकेशन बोर्डाचे माजी अध्यक्ष (कै.) नारायण कामत यांचे पुत्र मृणाल कामत, कन्या प्रियवंदा रेगे, रश्मी नाडकर्णी, दीपक नाडकर्णी यांच्या हस्ते अनावरण करण्यात आले. तसेच दुसऱ्या वर्गखोली नामकरण फलकाचे उद्घाटन संयुक्त देणगीदार (कै.) श्रीकांत देसाई यांचे भाचे दत्तात्रय खानविलकर, देणगीदार शोभना कार्लेकर यांचे प्रतिनिधी लक्ष्मण येरम यांच्या हस्ते झाले. याप्रसंगी माजी मुख्याध्यापक चंद्रकांत शिंगाडे, स्थानीय समिती उपाध्यक्ष अर्चना नेने, सदस्या अनुश्री पारकर, स्थानीय समिती खजिनदार दत्तात्रय जोशी, सदस्य मिलिंद कुबल, विलास रुमडे, माजी मुख्याध्यापक नारायण माने, मुख्याध्यापक महादेव घोलराखे आदी उपस्थित होते.
यावेळी मृणाल कामत यांनी, माझ्या वडिलांनी काम केलेल्या संस्थेला देणगी दिल्याबद्दल अभिमान वाटतो, असे सांगितले. रश्मी नाडकर्णी आणि प्रियवंदा रेगे यांनी आपल्या वडिलांच्या स्मृतींना उजाळा दिला. श्री. शिंगाडे यांनी सर्व देणगीदारांचे शाळा आणि संस्थेच्या वतीने आभार मानले. दत्तात्रय जोशी यांनी देणगीबद्दल समाधान व्यक्त केले. लक्ष्मण येरम यांनीही मनोगत व्यक्त केले. सर्व देणगीदारांचा परिचय माने यांनी करून दिला. प्रास्ताविक घोलराखे यांनी, सूत्रसंचालन सहाय्यक शिक्षक प्रवीण खडपकर यांनी केले. आभार पर्यवेक्षिका निशा दहिबावकर यांनी मानले.