swt2511.jpg
53370
खारेपाटणः रस्ताकाम प्रारंभप्रसंगी उपस्थित शिवसेना उपनेते संजय आंग्रे, संदेश पटेल, मंगेश गुरव व इतर पदाधिकारी. (छायाचित्र ः एन. पावसकर)

खारेपाटणमध्ये शिवसेनेतर्फे
रस्त्याच्या कामाला प्रारंभ
सकाळ वृत्तसेवा
तळेरे, ता. २५ : शिवसेना शिंदे गटाच्या माध्यमातून खारेपाटण जिजामातानगर येथील अंतर्गत रस्त्याच्या खडीकरण व डांबरीकरण कामासाठी ५ लाख रुपयांचा निधी मंजूर करण्यात आला. या कामाचा प्रारंभ शिवसेना उपनेते संजय आंग्रे यांच्या हस्ते श्रीफळ फोडून करण्यात आला.
यावेळी शिवसेना कणकवली तालुका विधानसभा प्रमुख संदेश पटेल, उपतालुकाप्रमुख मंगेश गुरव, खारेपाटण ग्रामपंचायत सदस्य गुरुप्रसाद शिंदे, जिल्हा कृषी उत्पन्न बाजार समिती संचालक मंगेश ब्रम्हदंडे, शहरप्रमुख सुहास राऊत, स्थानिक रहिवासी संतोष राऊत, कुबल गुरुजी, उन्हाळकर गुरुजी, किशोर माळवदे, तृप्ती पाटील, सुभाष गुरव, दत्ताराम गुरव, प्रशांत गाठे, सागर कांबळे, संदीप पाटील यांसह गावकार सुरेश गुरव उपस्थित होते. जिजामातानगर राऊत यांच्या घराकडे जाणारा रस्ता व रवी गोखले घराकडे जाणारा रस्ता या दोन्ही कामांचा आज प्रारंभ करण्यात आला.
यावेळी गुरव यांनी खारेपाटण जिजामाता नगरविकास कामांसाठी भरीव विकास निधी उपलब्ध करून दिल्याबद्दल आमदार किरण उर्फ भैया सामंत, आमदार नीलेश राणे यांसह सर्व वरिष्ठ नेत्यांचे आभार मानले.