swt2524.jpg
53437
दादरः विधी मोरयेला चषक देऊन गौरविण्यात आले.

लॉन टेनिस स्पर्धेत
विधी मोरये विजेती
सकाळ वृत्तसेवा
तळेरे, ता. २५ : नांदगाव वाशिनवाडी येथील विधी मोरये हिने लॉन टेनिस स्पर्धेत अंतिम विजेतेपद पटकावले. ही स्पर्धा दादर येथील शिवाजी पार्क जिमखाना येथे पार पडली. गेली दोन वर्षे विधीने या स्पर्धेचे विजेतेपद पटकावले. विधी गेल्या पाच वर्षांपासून लॉन टेनिस खेळ खेळत असून जिल्हा, राज्य, विद्यापीठ स्तरीय तसेच राष्ट्रीय स्पर्धेत यश प्राप्त केले आहे. सध्या ती अनुजा महेश्वरी यांच्याकडे या खेळाचे धडे घेत आहे. विधी बीएएलएलबीचे शिक्षण घेत असून ऑल इंडिया टेनिस असोसिएशनची सदस्य आहे. युनिव्हर्सल स्पोर्टसचे नरेन शहा यांच्या हस्ते चषक देऊन तिला गौरविण्यात आले. या यशाबद्दल तिचे सर्वत्र अभिनंदन केले जात आहे.