-rat३०p१८.jpg-
२५N५४४५४
देवरूख ः साडवली येथे कोळेकर यांनी स्टीलची काठी वापरून गुढी उभारली आहे.
---------
साडवलीतील उभारली इकोफ्रेंडली गुढी
सकाळ वृत्तसेवा
साडवली, ता. ३० ः बांबूशिवाय गुढी ही कल्पनाच कोकणात अशक्य आहे. पण यामुळे निसर्गाच्या होणाऱ्या हानीकडे लक्ष जात नाही. याचाच विचार करून साडवली येथील सह्याद्री नगरमध्ये राहणाऱ्या सन्मुख कोळेकर हे गेली २० वर्ष इकोफ्रेंडली गुढी उभारत आहेत. गुढीसाठी बांबूचा वापर न करता लोखंडी काठी वापरत आहेत. गुढीपाडव्याच्या दिवशी कोकणात लाखोंच्या संख्येने बांबूंची तोड केली जाते संध्याकाळी गुढी उतरवली की हे बांबू इकडे तिकडे टाकले जातात. यामुळे निसर्गाची हानी होते. याच विचारातून सन्मुख कोळेकर यांनी पर्यायी विचार करायला सुरुवात केली. त्यांनी गुढीसाठी स्टीलची काठी वापरण्यास सुरवात केली. ही काठी खराब होत नसल्याने ती अनेक वर्षे वापराता येते.