55459

कावेरी, दिविजा सातपुतेचा सत्कार
आचरा, ता. ४ ः येथील न्यू इंग्लिश स्कूलची विद्यार्थिनी कावेरी परब ‘एनएमएमएस’ परीक्षेत उत्तीर्ण झाली असून ती सारथी शिष्यवृत्तीसाठी पात्र ठरली आहे. याच स्कूलची दिविजा सातपुते नवोदय परीक्षेत उत्तीर्ण झाली असून सांगेली येथील नवोदय विद्यालयात नववीमध्ये प्रवेश घेण्यासाठी पात्र ठरली आहे. या दोन्ही विद्यार्थिनींचे उपमुख्याध्यापक अंकुशराव घुटूकडै यांच्या हस्ते अभिनंदन करण्यात आले. यावेळी सर्व शिक्षक, विद्यार्थी आदी उपस्थित होते. यशस्वी विद्यार्थ्यांचे धी आचरा पीपल्स असोशिएशन तसेच स्थानिक स्कूल समितीतर्फे अभिनंदन करण्यात आले.