जिल्हा रुग्णालयात
ऑटिझम दिन
सिंधुदुर्गनगरी ः सिंधुदुर्ग जिल्हा रुग्णालय येथील डिईआयसी विभागामार्फत जागतिक ऑटिझम दिन झाला. यावेळी जिल्हा शल्यचिकित्सक डॉ. श्रीपाद पाटील, यांनी डिईआयसी कार्यक्रमांच्या माध्यमातून देण्यात येणाऱ्या सेवाबाबत, तर श्रीमती मनीषा कर्चे यांनी ऑटिझम दिनाच्या अनुषंगाने विस्तृत माहिती दिली. यावेळी अतिरिक्त जिल्हा शल्यचिकित्सक डॉ. श्याम पाटील, निवासी वैद्यकीय अधिकारी डॉ. सुबोध इंगळे, डिईआयसी स्टाफ विक्रम कांबळे, डॉ. अनुराधा बांदिवडेकर, श्रीमती ॲजेला रॉड्रिक्स, केतन कदम, श्रीमती लोचन चिंदरकर, श्रीमती मनीषा कर्चे, श्रीमती शलाका राणे, संतोष देसाई, रोहन वारंग, ओमकार ठाकूर, तसेच पालक व बालके उपस्थित होते. कार्यक्रमांचे प्रास्ताविक केतन कदम यांनी केले. बालकांच्या हस्ते केक कापून ऑटिझम दिन साजरा करण्यात आला. लहान मुलांसाठी चित्र रंगवणे तसेच इतर खेळ घेण्यात आले, अशी माहिती जिल्हा शल्यचिकित्सक पाटील यांनी दिली.
----
नेत्रदानासाठी
जनतेला आवाहन
सिंधुदुर्गनगरी ः राष्ट्रीय अंधत्व व दृष्टी क्षिणता नियंत्रण कार्यक्रमांतर्गत २०२४-२०२५ मध्ये ५ व्यक्तींनी मरणोत्तर नेत्रदान केले आहे. नेत्रदान केलेल्या व्यक्तींचा आदर्श घेऊन जनतेने नेत्रदान करावे, असे आवाहन जिल्हा शल्य चिकित्सक डॉ. श्रीपाद पाटील यांनी केले आहे.
नेत्रदान हे दृष्टिहिनांच्या जीवनात दिवा लावण्यासारखे आहे. तुमचे डोळे दान केल्याने इतर कोणाला तुमच्या डोळ्यांद्वारे जग पाहण्याची परवानगी मिळते, जगाचे सौंदर्य आणि आश्चर्य वाटून घेता येते. आपले डोळे दान केल्याने अंध व्यक्तीला उज्‍ज्‍वल भविष्याची आशा मिळते, ज्यांची दृष्टी केली आहे, त्यांना नेत्रदान ही दुसरी संधी देते.
---
उद्योगमंत्री सामंत
आज सिंधुदुर्गात
सिंधुदुर्गनगरी ः उद्योग व मराठी भाषामंत्री उदय सामंत उद्या (ता.५) सिंधुदुर्ग जिल्ह्याच्या दौऱ्यावर येत असून, त्यांचा दौरा असा ः
दुपारी २.१५ वाजता हेलिकॉप्टरने पोलिस परेड ग्राऊंड, ओरोस, सिंधुदुर्ग येथे आगमन व मोटारीने कुडाळकडे प्रयाण. दुपारी २.३० वाजता शिवसेना सिंधुदुर्ग जिल्हा संवाद बैठक. (स्थळ - शांतादुर्गा मंगल कार्यालय (वाटवे हॉल) मुंबई-गोवा हायवे, पावशी कुडाळ, जि.सिंधुदुर्ग). दुपारी ४ वाजता कुडाळ येथून मोटारीने राधानगरीकडे (जि. कोल्हापूर) प्रयाण.