59882

किंजवडेत पावणाई मंदिराचा
१ मेपासून जीर्णोद्धार सोहळा

सकाळ वृत्तसेवा
तळेरे, ता. २५ ः किंजवडे (ता.देवगड) गावचे जागृत ग्रामदैवत श्री पावणादेवी मंदिराचा जीर्णोद्धार व कलशारोहण सोहळा १ ते ३ मे या कालावधीत होणार आहे. यानिमित्त विविध धार्मिक कार्यक्रमांचे आयोजन केले आहे.
होणारे कार्यक्रम असे ः जीर्णोद्धार व कलशारोहण सोहळ्यात २९ एप्रिलला सकाळी ८.३० वाजता कलश व मूर्ती मिरवणुकीचा सोहळा, १ मे सकाळी ८ वाजता गणेश पूजन, पुण्याहवाचन, देवता आवाहन पूजन, वास्तू होम व आरती, दुपारी १ वाजता महाप्रसाद, सायंकाळी ६ वाजेपर्यंत भजने, ७ वाजता महाआरती, रात्री ९ वाजता श्री पावणादेवी प्रासादिक भजन मंडळ, मुंबई बुवा प्रमोद हर्याण आणि प. पु. वासुदेवानंद सरस्वती टेंबेस्वामी प्रासादिक भजन मंडळ, मुंबई बुवा प्रमोद धुरी यांचा पारंपरिक डबलबारी भजन सामना, २ मेस सकाळी ८ वाजता कलशारोहण सोहळा, धार्मिक विधी व आरती, दुपारी १ वाजता महाप्रसाद, सायंकाळी ६ वाजेपर्यंत स्थानिक भजने, ७ वाजता महाआरती, रात्री ९ वाजता जिल्हास्तरीय वारकरी दिंडी भजन स्पर्धा, ३ मेस सकाळी ८ वाजता आवाहित देवता पूजन, कुंकुमार्चन, श्री सत्यनारायण महापूजा, दुपारी १ वाजता महाप्रसाद, हळदी-कुंकू समारंभ, सायंकाळी ६ वाजेपर्यंत स्थानिक भजने, सायंकाळी ७ वाजता महाआरती, ८ वाजता बक्षीस वितरण समारंभ, रात्री १० वाजता राठीवडे सुतारवाडी येथील श्री विठ्ठलादेवी दशावतार नाट्य मंडळाचा दशावतारी नाट्यप्रयोग. उपस्थित राहावे, असे आवाहन परबवाडी ऐक्यवर्धक मंडळ, किंजवडे आणि मुंबई यांनी केले आहे.