swt99.jpg
62753
जामसंडेः येथे डॉ. राजेंद्र चव्हाण यांनी संवाद साधला. बाजूला अजय कांडर, रघुनाथ कदम आणि सचिन वळंजू.

‘युगानुयुगे तूच’ भविष्यात मोठा पल्ला गाठेल
डॉ. राजेंद्र चव्हाणः जामसंडेत पहिल्या प्रयोगाचा प्रारंभ
सकाळ वृत्तसेवा
देवगड, ता. ९ः लेखन, दिग्दर्शन आणि उत्तम सादरीकरण अशा तिहेरी संगमामुळे ‘युगानुयुगे तूच’ हे नाटक भविष्यात खूप मोठा पल्ला गाठेल, असा विश्वास ज्येष्ठ रंगकर्मी डॉ. राजेंद्र चव्हाण यांनी जामसंडे येथे व्यक्त केला. नाटकाच्या पहिल्याच प्रयोगाच्या निमित्ताने डॉ . चव्हाण बोलत होते.
कवी अजय कांडर लिखित ‘युगानुयुगे तूच’ या नाट्य दीर्घांकाचा प्रारंभाचा प्रयोग जामसंडे येथील स्वामी समर्थ कार्यालयात झाला. त्यावेळी डॉ. चव्हाण बोलत होते. या नाट्य दीर्घांकाचे दिग्दर्शन रघुनाथ कदम यांचे असून अभिनेता सचिन वळंजू यांनी एकपात्री याचे सादरीकरण केले. डॉ. बाबासाहेब आंबेडकर हे सर्वांचे हा विचार केंद्रस्थानी ठेवून कवी अजय कांडर यांनी ‘युगानुयुगे तूच’ ही दीर्घ कविता लिहिली. त्यांचे नाटक मुंबई दूरदर्शनने यापूर्वी प्रसारित केले होते. त्यानंतर मुंबई कांचन आर्टतर्फे ते आता पुन्हा रंगमंचावर सादर करण्यात येत असून त्याचा प्रारंभाचा प्रयोग जामसंडे येथे सादर करण्यात आला. या प्रयोगानंतर झालेल्या चर्चेत डॉ. चव्हाण यांनी अभिनेता वळंजू यांचे सादरीकरणाबद्दल खूप कौतुक केले. या प्रयोगाला श्री. कांडर, श्री. कदम यांची उपस्थिती होती. श्री. कांडर यांनी, ‘युगानुयुगे तूच’ ही डॉ. आंबेडकर यांच्यावरील दीर्घ कविता लोकप्रिय झाली.
या कवितेच्या तीन आवृत्त्या प्रसिद्ध झाल्या. ती हिंदीत अनुवादी झाली. कवितेचा अभ्यासक्रमात समावेश करण्यात आला. या कवितेचे जाहीर अभिवाचन करण्यात आले. मात्र, असे असले तरी या कवितेचे हे नाट्यरूप दिग्दर्शक रघुनाथ कदम यांच्यामुळेच सादर होत आहे. यापूर्वी या नाटकाची निर्मिती करण्यात आली. दूरदर्शनने ते प्रसारितही केले. हे नाटक प्रभावीपणे सादर करण्यात आले. हे नाटक अधिकाधिक लोकांपर्यंत पोहोचविण्याचा प्रयत्न या नाटकाचे दिग्दर्शक आणि अभिनेते करतील, असं मला विश्वास वाटतो, असे सांगितले. अभिनेते वळंजू यांनी, युगानुयुगे तूच या दीर्घ कवितेची लोकप्रियता ऐकून होतो. त्यामुळे या कवितेचा नाट्यविष्कार सादर करायचा होता. या नाटकाचा पहिलाच प्रयोग उपस्थित रसिकांच्या पसंतीस उतरला याचा आनंद होत आहे. या नाटकाचे जास्तीत जास्त प्रयोग करण्याचा प्रयत्न राहील, असे सांगितले.