63198

गोवेरीत स्पर्धांमधून कलागुणांना चालना
‘ज्ञानदीप’चा वर्धापन दिन सोहळाः सोनाली, आयुष, अथर्व, कांता विजेते
सकाळ वृत्तसेवा
कुडाळ, ता. १३ः गोवेरी येथे घेण्यात आलेल्या विविध स्पर्धांमध्ये ‘खेळ पैठणीचा’मध्ये सोनाली गावडे, नेमबाजी स्पर्धेत आयुष  राऊळ, बुद्धिबळ स्पर्धेत मोठ्या गटात अथर्व गावडे तर लहान गटात कांता निकम यांनी विजेतेपद मिळविले. मंडळाच्या वतीने  क्रीडा, सांस्कृतिक, धार्मिक व बुद्धिमत्तेला चालना देणाऱ्या विविध स्पर्धा घेण्यात आल्या.
तालुक्यातील गोवेरी येथील श्री देव सत्पुरुष कला, क्रीडा मंडळ गोवेरी ज्ञानदीप वाचनालय व ग्रंथ संग्रहालय गोवेरी वर्धापन दिन व श्री देव सत्पुरुष वर्धापन दिन सोहळा ४ ते ९ मेपर्यंत विविध कार्यक्रमांनी आयोजित करण्यात आला. शुक्रवारी (ता. ९) या सोहळ्याची सांगता झाली. यावेळी व्यासपीठावर उद्योजक एस. पी. सामंत, श्री देवी सातेरी हायस्कूल मुख्याध्यापक संजय परब, दादा आरोलकर, प्रशांत सावंत, प्रभारी सरपंच स्वरा गावडे, डॉ.  प्रिया गावडे, देवस्थान कमिटी अध्यक्ष संजय गावडे, सुदाम गावडे, मंगेश गावडे, दशरथ राऊळ, प्रकाश गावडे, सतीश गावडे आदी उपस्थित होते.
विविध स्पर्धांचा निकाल अनुक्रमे असा ः वेशभूषा स्पर्धा-पूर्वी गावडे, निधी सोनवडेकर, मनस्वी परब. ५० मीटर धावणे मुली (लहान गट)-गायत्री वारंग, स्वरा गावडे, मैथिली गावडे. १०० मीटर धावणे मुली (मोठा गट)- पूर्वा गावडे, जानवी वारंग, समीक्षा गावडे. ५० मीटर धावणे मुलगे (लहान गट)-भावेश राऊळ, यश जाधव, आयुष राऊळ. १०० मीटर धावणे मुलगे (मोठा गट)-युवराज जाधव, चंद्रकांत जाधव, सोहम महेंद्र गावडे. बुद्धिबळ स्पर्धा (१६ वर्षांपर्यंत, लहान गट)- विजेता कांता निकम, उपविजेता श्रीयश माने. मोठा गट (१६ वर्षांवरील)-विजेता अथर्व गावडे, उपविजेता गौतम जाधव. गाव मर्यादित रेकॉर्ड डान्स स्पर्धा (११ वर्षापर्यंत)-पूर्वी गावडे, मनस्वी परब, ऋणाली गावडे. स्लो सायकलिंग स्पर्धा-विजेता विघ्नेश गावडे, उपविजेता चैतन्य राऊळ. संगीत खुर्ची स्पर्धा-तुषार निकम, तन्वी गावडे, गौरव गावडे. प्रश्नमंजुषा स्पर्धा (खुला गट)-अर्चना गावडे व मित पुजारे (विजेता जोडी), मानसी गावडे व ओवी गावडे, भाविक गावडे व अक्षया गोवेरवर (उपविजेता जोडी). वन मिनिट्स स्पर्धा-मैथिली गावडे, आयुष राऊळ, तीर्थ वारंग. मनाचे श्लोक पाठांतर स्पर्धा-रुही सावंत, भूमी परब, ओवी गावडे. मारुती स्तोत्र पाठांतर स्पर्धा-श्रीराम नाईक, भूमी परब, समर्थ परब. पसायदान पाठांतर स्पर्धा-पूर्वी गावडे, भूमी परब, निधी सोनवडेकर. नेमबाजी स्पर्धा-आयुष राऊळ, अनुश्री गावडे, निषाद गावडे. खेळ पैठणीचा-सोनाली गावडे, स्नेहा गावडे, संजीवनी गावडे. या स्पर्धेत ४७ महिलांनी सहभाग घेतला. विजेत्यांना रोख रक्कम, सन्मानचिन्ह देऊन सन्मानित करण्यात आले. सूत्रसंचालन महेश गावडे यांनी केले. आभार प्रकाश गावडे यांनी मानले.

चौकट
विकासात ग्रामस्थांचे योगदान महत्त्वाचे
गोवेरी गाव पाणीटंचाई मुक्त होण्याच्या दृष्टिकोनातून लवकरच या ठिकाणी भूजल सर्वेक्षणतज्ज्ञ येणार आहेत. गावात पाण्याचा मुबलक साठा राहण्यासाठी या ठिकाणी राज्य पातळीवरील संस्थेच्या माध्यमातून प्रयत्न केला जाणार आहे. यासाठी ग्रामस्थांचे सुद्धा योगदान तेवढेच महत्त्वाचे असल्याचे महेश गावडे यांनी सांगून सर्वांनी सहकार्य करावे, असे आवाहन केले.