rat१२p११.jpg-
२५N६३२०५
रत्नागिरी : महर्षी कर्वे स्त्री शिक्षणसंस्थेच्या नर्सिंग कॉलेजमध्ये आयोजित परिचारिका सप्ताहात वीणा लेले यांचा सत्कार करताना संपदा जोशी. सोबत प्राचार्य समिना मुलानी, प्रा. गौरी भाटकर.
----
‘कर्वे नर्सिंग’मध्ये परिचारिका सप्ताह
सकाळ वृत्तसेवा
रत्नागिरी, ता. १२ : महर्षी कर्वे स्त्री शिक्षणसंस्थेच्या शिरगाव येथील नर्सिंग कॉलेजमध्ये आंतरराष्ट्रीय परिचारिका सप्ताह साजरा करण्यात आला.
परिचारिका सप्ताहात ६ ते १२ मे दरम्यान विविध कार्यक्रमांचे आयोजन करण्यात आले. यामध्ये विद्यार्थिनींच्या कलागुणांना वाव मिळण्यासाठी वेगवेगळ्या स्पर्धांचे आयोजन केले. न्यूट्रिशन दिवसही साजरा करण्यात आला. यामध्ये विद्यार्थिनींनी वेगवेगळ्या प्रकारचे पदार्थ बनवले व त्यांचे सादरीकरण केले. समतोल आहार, मधुमेहासाठीचा, उच्च रक्तदाबासाठीचा, कमी प्रथिनांचा आहार असे वेगवेगळे आहार बनवले होते. विद्यार्थिनींसाठी वक्तृत्व, स्पर्धा पोस्टर मेकिंग स्पर्धा आयोजित केल्या होत्या. त्यानंतर बक्षीस वितरण कार्यक्रमाचे आयोजन केले. यात दीपप्रज्वलन आणि आश्रमगीताने सुरवात झाली. नर्सिंग कॉलेजच्या प्राचार्या समिना मुलानी यांनी प्रास्ताविक केले. या वेळी प्रमुख पाहुण्या म्हणून निवृत्त मेट्रन व स्वगृही संस्थेच्या संस्थापिका वीणा लेले उपस्थित होत्या. त्यांनी यावर्षीच्या परिचारिका दिनाच्या संकल्पनेबद्दल मार्गदर्शन केले. तसेच विद्यार्थिनींना नर्सिंग क्षेत्रातील संधी व नर्सिंग क्षेत्रात होणारे बदल याबद्दल माहिती दिली. महर्षी कर्वे संस्थेच्या सदस्य व कार्यक्रमाच्या अध्यक्षा संपदा जोशी विद्यार्थिनींना त्यांचे नर्सिंग क्षेत्रातील अनुभव सांगितले. मुली त्यांचे काम कसे कुशलतेने करू शकतात याबद्दल माहिती दिली. या वेळी बीसीए कॉलेज प्र. प्राचार्य स्नेहा कोतवडेकर, शिक्षक, शिक्षकेतर कर्मचारी उपस्थित होते. सूत्रसंचालन रश्मी जाधव यांनी केले. गौरी भाटकर यांनी आभार मानले.