- rat१२p१६.jpg-
२५N६३२१६
ईश्वरी शिंदे

ईश्वरी शिंदेला
कराटेत सुवर्णपदक
पाली ः येथील डी. जे. सामंत इंग्लिश मीडियम स्कूलमधील विद्यार्थिनी ईश्वरी शिंदे हिने आंतरराष्ट्रीय कराटे स्पर्धेत उत्कृष्ट कामगिरी करत सुवर्णपदक पटकावले आहे. तिने नुकत्याच नेपाळमधील काठमांडू येथे झालेल्या १०व्या आंतरराष्ट्रीय कराटे स्पर्धेत भारताचे प्रतिनिधित्व करत हे यश मिळवले आहे. ९ आणि १० मे दरम्यान झालेल्या या स्पर्धेत भारत, भूतान आणि नेपाळसारख्या विविध देशांतील सुमारे ८५० खेळाडूंनी सहभाग घेतला होता. शोतोकान कराटे-डो असोसिएशन ऑफ इंडियाच्या ५८ विद्यार्थ्यांच्या संघात तिने चमकदार खेळ दाखवत सुवर्णपदक आपल्या नावे केले. तिच्या या यशाने शाळेचे नाव आंतरराष्ट्रीय स्तरावर उंचावले आहे. तिच्या या उल्लेखनीय कामगिरीबद्दल पालकमंत्री उदय सामंत, आमदार किरण सामंत, श्री साई अनिरूद्ध एज्युकेशन सोसायटीचे अध्यक्ष रवींद्र सामंत, संचालिका स्वरूपा सामंत व सर्व समिती, पदाधिकारी, डी. जे. सामंत इंग्लिश मीडियम स्कूलच्या मुख्याध्यापिका नूतन कांबळे, शिक्षक व शिक्षकेतर कर्मचारी, पालक व विद्यार्थी यांनी तिचे अभिनंदन केले आहे.