rat१२p१७.jpg -
२५N६३२१७
राजापूर ः डॉ. रवींद्र प्रभूदेसाई यांचा नागरी सत्कार करताना मान्यवर.

डॉ. प्रभुदेसाई यांना डी.लीट
टिळक महाराष्ट्र विद्यापीठ ; उद्योग सामाजिक क्षेत्रात योगदान
सकाळ वृत्तसेवा
राजापूर, ता. १२ ः पुणे येथील टिळक महाराष्ट्र विद्यापिठाकडून पितांबरी उद्योगसमुहाचे व्यवस्थापकीय संचालक डॉ. रवींद्र प्रभुदेसाई यांना उद्योग आणि सामाजिक क्षेत्रातील भरीव योगदानाबदल डी.लीट पदवी प्रदान करण्यात आली. तालुक्यातील तळवडे ग्रामपंचायत आणि राजापूर-लांजा नागरिक संघाच्यावतीने डॉ. प्रभुदेसाई यांचा नागरी सत्कार करण्यात आला.
राजापूर येथे झालेल्या नागरी सत्कार सोहळ्यात डॉ. प्रभुदेसाई यांचा सखाराम साळवी, रंगनाथ सप्रे यांच्या हस्ते सत्कार करण्यात आला. या प्रसंगी ते म्हणाले, डॉक्टर या पदवीमागे दडलेला विचार हा उद्योगासाठी खूप महत्वाचा आहे. हा सन्मान पितांबरी उद्योगाला पाठबळ देणाऱ्‍या माझ्या कुटुंबासह सर्व कर्मचारी आणि ग्रामस्थ यांचा आहे. मला मिळालेली डॉक्टर ही पदवी या सर्वांना अर्पण करतो. या प्रसंगी सरपंच गायत्री साळवी, महाराष्ट्र राज्य खादी ग्रामोद्योग मंडळाचे सभापती रवींद्र साठे, राजापूर-लांजा नागरिक संघाचे अध्यक्ष सुभाष लाड, उपसरपंच यशवंत साळवी, सेवानिवृत्त शिक्षक सखाराम साळवी, रंगनाथ सप्रे, नागरी सत्कार समितीचे प्रमुख आप्पा साळवी व्यासपिठावर उपस्थित होते.